सुनको मूल्य एक लाख ५ हजार ५ सय पुग्यो

काठमाडौं फागुन २५। सुनचाँदी बजारमा आज सुनको मूल्यले रेकर्ड तोडेको छ । आज बुधबार छापावाल सुनको कारोबार मूल्य रेकर्ड तोड प्रतितोला एक लाख पाँच हजार ५०० पुगेको छ ।
अघिल्लो दिन प्रतितोला १ लाख तीन हजारमा कारोबार भएको पहेँलो धातु आज एकैदिन प्रतिताला २५ सयले बढेको हो । यो हालसम्म कै उच्च मूल्य हो । यसअघि सुन सबैभन्दा धेरै तोलाको १ लाख ३ हजार ५०० मा कारोबार भएको थियो ।नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला एक लाख पाँच हजार तोकिएको छ । सोको मूल्य हिजो प्रतितोला १ लाख २५ सय तोकिएको थियो ।त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला ४० ले बढेर एक हजार ४५० पुगेको महासङ्घले जनाएको छ ।

Facebook Comments Box