बार एशोसियनको अध्यक्षमा अमिता लक्ष्मी सैंजु श्रेष्ठको उम्मेदवारी

काठमाडौँ चैत १० । नेपाल बार एशोसियसनको आसन्न निर्वाचन आगामी चैत १९ गते हुँदैछ । सो निर्वाचनमा अध्यक्ष पदका लागि वरिष्ठ अधिवक्ता अमिता लक्ष्मी सैंजु श्रेष्ठले नेपालकै इतिहासमा पहिलोपटक कानुनी पेशागत स्वतन्त्र उम्मेदवारको रुपमा उम्मेदवारी दिनुभएको

छ । उहाँ विगत २०४० सालदेखि निरन्तररुपमा विशुद्ध कानुनी व्यवसायको पेशा अंगाल्दै हालसम्म पनि सो पेशालाई निरन्तरता दिइरहनुभएको छ ।

स्वतन्त्र उम्मेदवार दिएकी अमिता लक्ष्मी सैंजु श्रेष्ठले कानुनी राज्यको मूल्य मान्यतालाई पालना गर्न, संविधानको मुल्य र मान्यता कायम राख्न र कानुन व्यवसायीको पेशागत हकहित र निष्पक्ष र स्वतन्त्र न्याय तथा न्यायालयका लागि भन्दै अध्यक्ष पदमा उम्मेदवारी दिएको बताउनुभएको छ ।

वरिष्ठ अधिवक्ता अमिता लक्ष्मी सैंजु श्रेष्ठको उम्मेदवारी किन ?

१. नेपालको स्वाभीमान, अखण्ड राष्ट्र र कानुनी राज्यको प्रत्याभूत गराउन ।

२. नेपालको संविधान २०७२ अनुरुप स्वतन्त्र न्यायालयको परिचय र अनुभूति दिलाउन ।

३. नेपालको बेलाबेलामा भएको राजनीतिक परिवर्तनपछि निर्मित सबै संविधानका सबल पक्षको एकीकृत कानुन निर्माण र कार्यान्वयनमा लैजान ।

४. नेपालको संविधानले निर्देशित गरेको कानुन अन्तर्राष्ट्रिय कानुन सरह मान्यता प्राप्त गराउन ।

५. राजनैतिक दललाई कानुनी राज्यको एवम् स्वतन्त्र न्यायापालिकाको आवश्यकता र आधार प्रत्याभूति गराउन ।

६. कानुनी पेशागत संघ—संगठन एवम् व्यवसायीहरुलाई मर्यादित र व्यवस्थित गर्न ।

७. असम्लग्न परराष्ट्र नीतिलाई मान्यता दिँदै छिमेकी राष्ट्रप्रति सद्भाव कायम गराउन पहल गर्ने ।

८ कानुनी अराजकता, विकृति र विसंगतिको अन्त्य गर्न ।

Facebook Comments Box