झापा चैत २० ।दमक नगरपालिका-५ बस्ने ४५ वर्षीय प्रेम खड्काको मदिरा पसलभित्र जुवातास खेलिरहेको अवस्थामा खड्का समेत ५ जनालाई शुक्रबार राति प्रहरीले पक्राउ गरेको छ ।
उक्त पसलभित्र जुवतास खेलिरहेको भन्ने खबर प्राप्त हुनासाथ ईलाका प्रहरी कार्यालय दमकबाट खटिएको प्रहरीले उनीहरूलाई नगद ४० हजार २ सय ३० रूपैयाँ र १ बुक तास सहित पक्राउ गरेको हो ।
यस सम्बन्धमा प्रहरीले आवश्यक अनुसन्धान गरिरहेको बताएको छ ।
