बागमतीका वडा अध्यक्ष राम बहादुरले मनाए जन्मदिन : सडकमा बियर र मदिराको भेल ( भिडियो सहित)

ललितपुर , भदौ १३ ।देशमा बेरोजगार र आर्थिक सकंंटका कारण जनताहरु भोकभोकै मरिरहेको अबस्थामा तिनै जनताबाट उठाएको करको दुरुपयोग गर्दै ललितपुरका एक वडा अध्यक्षले आफ्नो जन्म दिन मनाएका छन । ललितपुर जिल्ला बागमती गाउँपालिका वडा नम्बर -२ माल्टाका वडा अध्यक्ष राम बहादुर भोलोन तामाङले हिजो बुधबार माल्टा स्थित बगुवा खोलाको बगरमा मदिरा र बियरको खोला बगाउँदै आफ्नो जन्मदिन मनाएका हुन । गत निर्वाचनमा नेपाली काङ्ग्रेस बाट उम्मेदवारी दिई वडा अध्यक्षमा निर्वाचित भएका भोलोनले जनताको करलाई मामाको धनमा फुपुको श्राद्द भन्ने उक्तिलाई चरितार्थ गरिदिएका छन ।स्थानीय आफ्ना आसेपासे कार्यकर्ता र टोलेगुण्डाहरुलाई कार्टुनका कार्टुन बियर र मदिराले झुमाउँदै उनले आफ्नो जन्मदिन मनाएको भिडियोमा स्पस्ट देख्न सकिन्छ । वडा अध्यक्ष राम बहादुर भोलोन तामाङले गत निर्वाचनमा पनि मनि ,मसल्स र पावरको भरउपयोग गर्दै निर्वाचन जित्न सफल भएका उनी निकट सोर्त बताउँछ ।