हर्क साम्पाङको प्रश्न-वर्तमान सरकार जेनजीको हो कि विदेशी दलालहरुको हो ?

काठमाडौं । धरान उपमहानगरपलिकाका मेयर हर्क साम्पाङले वर्तमान अन्तरिम सरकार कसको हो ? भन्दै प्रश्न उठाएका छन् ।सामाजिक सञ्जाल फेसबुकमा एक स्टाटस लेख्दैै उनले वर्तमान सरकार पुरानै दलहरुको हो कि, विदेशी दलालहरुको भन्दै प्रश्न गरेको हुन् ।उनले फेसबुकमा लेखेका छन्–‘यो सरकार जेनजीको हो कि पुरानै दलहरुको हो ? कि विदेशी दलालहरुको हो ? लु कमेण्टमा आवोस् त १’
जेनजी आन्दोलनपछि बनेको सुशीला कार्की नेतृत्वको सरकारको विरोध गर्दै आएका उनले यसअघि पनि विदेशीले बनाएको सरकार कता हरायो ? भन्दै प्रश्न गरेका थिए ।
त्यतिबेला फेसबुकमा उनले लेखेका थिए–‘७४ जनालाई बलिचढाएर विदेशी दलालले बनाएको सरकार कता हरायो ?’भदौ २३ र २४ गते भएको जेनजी आन्दोलनका क्रममा ७४ जना नेपालीले ज्यान गुमाएका छन् । जेनजी आन्दोलनपछि पूर्व प्रधानन्यायाधी सुशीला कार्कीको नेतृत्वमा अन्तरिम सरकार गठन भएको छ । उक्त सरकारले फागुनमा प्रतिनिधिसभाको निर्वाचन गर्ने निर्णय गसिकेको छ ।तर, जेनजीहरु भने आफ्नो माग पूरा नभएको भन्दै आन्दोलन गर्ने चेतावनी दिइरहेका छन् ।

Facebook Comments Box