जेनजी आन्दोलनपछि प्रहरी निष्क्रिय, हस्तक्षेपले हातखुट्टा बाँधिएको अवस्था

काठमाडौं, नेपाल – मुलुकको शान्ति सुरक्षाको जिम्मेवारी सम्हाल्नुपर्ने नेपाल प्रहरी जेनजी आन्दोलनपछि निष्क्रिय जस्तो अवस्थामा पुगेको छ। नियमित अनुसन्धान र कारबाहीमा समेत सरकारी हस्तक्षेप हुँदा प्रहरी अधिकृतहरूले हातखुट्टा बाँधिएको अनुभव गरिरहेका छन्।

उदाहरणका लागि, काठमाडौं उपत्यका ट्राफिक प्रहरी कार्यालयका दुई हतियार लुटेर कैलाली पुर्‍याएका तीन जनालाई प्रहरीले कैलालीबाट पक्राउ गरी काठमाडौं ल्याएको थियो। तर गृह मन्त्रालयको निर्देशनअनुसार उनीहरू विरुद्ध मुद्दा चलाउन नपाइ छाड्नुपर्ने अवस्था आयो।

जेनजी आन्दोलनका बेला बागमती नदीमा ज्यान बचाउन पस्ने प्रहरीमाथि प्रदर्शनकारीले ढुंगामुडा र लाठी प्रहार गरेका थिए। प्रहरीले उनीहरूलाई पक्राउ गर्‍यो, तर पनि मुद्दा चलाउन सकिएन। महाराजगञ्ज, बानेश्वर, थानकोट, कालीमाटी वृत्तमा प्रहरी कार्यालयमा आगजनी, तोडफोड र हतियार लुट्ने प्रदर्शनकारीलाई भिडियो प्रमाणका आधारमा नियन्त्रणमा लिइएको भए पनि उनीहरूविरुद्ध पनि कानुनी कारबाही हुन सकेन।

काठमाडौं उपत्यका अपराध अनुसन्धान कार्यालयले ५३ जना प्रदर्शनकारीलाई सप्रमाण पक्राउ गरेको थियो। तर जिल्ला प्रहरी परिसरमा बुझाएको दुई–तीन दिनमै उनीहरूलाई छाड्न निर्देशन आयो। गृहमन्त्री ओमप्रकाश अर्यालले प्रहरी प्रमुख चन्द्रकुवेर खापुङलाई ‘प्रहरी हत्यामा संलग्न बाहेक सबैलाई छाड्ने’ निर्देशन दिँदा हिरासतमा रहेका सबै प्रदर्शनकारी छाडिए।

प्रहरी नेतृत्वले छाड्दा दण्डहीनता बढ्ने र मनोबल खस्किने चेतावनी दिएको भए पनि गृह मन्त्रीले आफ्नो निर्देशनमा अडिग रहे। प्रहरीको भनाइ अनुसार, भदौ २३–२४ गते पक्राउ परेकाहरूलाई तत्काल कारबाही नअगाडि बढाउन प्रेस विज्ञप्ति नै जारी गरिएको थियो।

एक उच्च प्रहरी अधिकृतले भने, “प्रहरी कार्यालय जलाइएको, हतियार लुटिएको, पोशाक च्याटेको र गाडी जलाइएको भिडियो र बयान हामीले मिसिलमा राखेका थियौं। तर एकाएक ‘सबैलाई छाडिदेऊ’ भन्ने निर्देशन आयो। यसले हाम्रो मनोबलमा गम्भीर असर पारेको छ।”

प्रहरीका अनुसार, कोटेश्वर र महाराजगञ्ज वृत्तमा प्रहरी मार्ने दुई जनालाई मात्र पक्राउ राखिएको छ। बाँकी सबैलाई छाडिएको छ। प्रहरीले गम्भीर प्रकृतिका अपराधबाहेक अन्य उजुरी दर्ता गरेको छैन।

पूर्व न्यायाधीश गौरीबहादुर कार्कीले भने, “फौजदारी अभियोगमा आरोपी पक्राउ गर्न आयोगको निर्णय कुर्न आवश्यक छैन।” तर गृह मन्त्रालयले थप निर्देशन नदिँदा प्रहरी अहिले कसैलाई नियन्त्रणमा लिएको छैन।

प्रहरी मुख्यालयका एक उच्च अधिकृतले भने, “पूर्व विज्ञप्ति सच्चाएर अब पक्राउ गर भन्यो भने मात्रै कारबाही अघि बढाउँछौं। अन्यथा अहिले कुनै कारबाही अघि बढाइँदैन।”

विशेषज्ञहरूले यो अवस्था प्रहरीको मनोबलमा असर पुर्‍याउँदै शान्ति सुरक्षा प्रणाली कमजोर भएको चेतावनी दिएका छन।

जनरक्षा फोकस

थप सामाग्री

दान बहादुर कार्की : संक्रमणकालमा प्रहरी संगठनलाई नेतृत्व प्रदान गर्ने सक्षम व्यक्ति

सुशीला ‘आमा’को सिफारिस अस्वीकार गर्ने गणपतिको स्वार्थ के हो ? कुकुर भुक्यो भनेर हात्ति लम्कन नछाडोस् !

दानबहादुर कार्की : संक्रमणकालीन नेपालमा स्थायित्व, सुधार र जनविश्वासका प्रतीक

समाज

थप सामाग्री

• 

  प्रहरी जिम्मेवारी र फौजदारी डरबीच : पूर्व डीएसपी गोबिन्द पन्थीको प्रश्न — “अब कसरी निडर भएर ड्युटी गर्ने ?”

• 

  दान बहादुर कार्की : संक्रमणकालमा प्रहरी संगठनलाई नेतृत्व प्रदान गर्ने सक्षम व्यक्ति

• 

  एआईजी दान कार्कीको प्रतिबद्धता : “जेनजीको चाहना सुशासन र विकास — प्रहरी पूरा गर्न तत्पर”

• 

  आज कार्तिक २२ गते शनिबार, यस्तो छ तपाईको राशिफल

• 

  आफताव आलमको मृत्यु

प्रहरीको हतियार लुट्ने थप १ जना पक्राउ

१९ घण्टा अगाडि

3.4kViews 271 Shares Share on Facebook Share on Twitter काठमाडौँ । जेनजी प्रदर्शनमा प्रहरीको हतियार लुटमा संलग्न थप एक जनालाई…

आईजीपी चन्द्रकुबेर खापुङले भने: कानून कार्यान्वयन गर्न भोकभोकै लडेको सिपाहीलाई बयानमा बोलाउने कुरा ठिक भएन, विध्वंस रोक्न बल प्रयोग गर्न नपाउने हो भने देशमा प्रहरी संरचना नराखे हुन्छ

१ दिन अगाडि

भदौ २३ को गोलीकाण्ड : ‘गोली चलाऊ’ आदेश आईजीपी खापुङबाटै आएको प्रमाणहरू बलियो बन्दै

१ दिन अगाडि

दार्चुलामा भूकम्पको धक्का

१ दिन अगाडि