हिरासतबाट छुटेपछि महान्यायाधिवक्ताविरुद्धको उजुरीमा कारबाही प्रगति खोज्दै अख्तियारमा युवराज सफल

काठमाडौं- महान्यायाधिवक्ता सविता भण्डारीले पदको दुरुपयोग गर्दै गम्भीर प्रकृतिका मुद्दा नचलाउने निर्णय गरेको आरोपसहित दर्ता गरिएको उजुरीमाथिको कारबाहीबारे बुझ्न युवराज सफलले अर्को निवेदन दिएका छन् ।

उनले अख्तियार दुरुपयोग अनुसन्धान आयोगमा महान्यायाधिवक्ताले किशोरीको डिम्ब तस्करी, सम्पत्ति शुद्धीकरण तथा संगठित अपराधसँग जोडिएका व्यक्तिविरुद्ध मुद्दा नचलाउने निर्णय गरेको दाबीसहित उजुरी गरेका थिए ।

उनले महान्यायाधिवक्ताका यी दुई विवादित निर्णयसँग सम्बन्धित सम्पूर्ण फाइल झिकाइ अनुसन्धान गर्न र निर्णय प्रक्रियामा संलग्न व्यक्तिमाथि कारबाही गर्न माग गरेका छन्।

सफलले मिति गत पुस ३० गते दर्ता गराएको उजुरीमा महान्यायाधिवक्ता भण्डारीले अनुचित प्रभावमा परेर मुद्दा फिर्ता लिएको र आर्थिक चलखेल भएको आशंका गरिएको उल्लेख थियो।

Facebook Comments Box