हत्यामा सम्लग्न दुइजना पक्राउ

ललितपुरको पाटनमा छुरा प्रहारबाट दुई दाजुभाइको मृत्यु, दुई जना पक्राउ

ललितपुरको पाटनस्थित कृष्ण मन्दिर परिसरमा चैत २५ गते साँझ भएको छुरा प्रहारबाट घाइते भएका दुई दाजुभाइको मृत्यु भएको छ। मृत्यु हुनेमा झापाका ३३ वर्षीय सुमित नेम्बाङ र २५ वर्षीय सृजन नेम्बाङ रहेका छन्।
दुई पक्षबीचको विवादका क्रममा पेटमा गहिरो चोट लागेका उनीहरूको बिएण्डबी अस्पतालमा उपचारका क्रममा मृत्यु भएको जिल्ला प्रहरी परिसर ललितपुरका एसएसपी होविन्द्र बोगटीले जानकारी दिए।
घटनामा संलग्न रहेको आरोपमा प्रहरीले ललितपुरका ३२ वर्षीय सञ्जीव नेपाली र २१ वर्षीय गगन सुनारलाई पक्राउ गरेको छ। घटनाबारे थप अनुसन्धान भइरहेको प्रहरीले जनाएको छ।

Facebook Comments Box