प्रतिनिसभाको आजको बैठक स्थगित

काठमाडौं फागुन १३ । प्रतिनिधिसभाको आज बैठक पनि स्थगित भएको छ ।

बिहीबारको बैठक प्रधानमन्त्री शेर बहादुर देउवाले माओवादीले मतविभाजन मागेर सरकारको प्रस्ताव असफल बनाउने सूचना पाएपछि स्थगित गराएका थिए ।

सरकारले बैठक आइतबारसम्मका लागि स्थगित गर्न सभामुख अग्नि सापकोटालाई आग्रह गरेको बताईएको छ ।

केहीबेरपछि सूचना टाँस हुने बताईएको छ । बिहीबार पनि दिउँसो १ बजेका लागि बोलाइएको बैठक सूचना टाँस गरेर अन्तिम समयमा स्थगित गरिएको थियो ।

अमेरिकी सहयोग परियोजना एमसीसी संसदमा टेवल भएपछि राजनीतिक दलहरु विपरित ध्रुवमा बाढिएका छन् ।

दलहरु एमसीसी पास गर्ने विषयमा एकमत नभएपछि त्यसलाई कसरी पास गराउने भन्नेमा गृहकार्यमा सरकार लागिपरेको छ भने सरकार तथा संसदमा रहेको माओवादी केन्द्र र नेकपा एकीकृत समाजवादी त्यसको विपक्षमा रहेको छ । यता निरन्तर संसद अवरुद्ध गर्दै आइरहेको प्रमुख प्रतिपक्षी दल एमालेले एमसीसी परियोजनाबारे स्पष्ट धारणा सार्वजनिक गरेको छैन ।

Facebook Comments Box