काठमाडौँमा मनसुनी प्रभाव सक्रिय, हिमाली–पहाडी क्षेत्रमा वर्षा र हिमपातको सम्भावना

काठमाडौँ । हाल कोशी, मधेस र बागमती प्रदेशका सम्पूर्ण क्षेत्र, गण्डकी प्रदेशका केही भाग तथा लुम्बिनी प्रदेशको पूर्वी भू–भागमा मनसुनी वायुको प्रभाव रहेको जल तथा मौसम पूर्वानुमान महाशाखाले जनाएको छ । अन्य क्षेत्रमा भने पश्चिमी तथा स्थानीय वायुको आंशिक प्रभाव देखिएको छ ।

महाशाखाका अनुसार देशका हिमाली र पहाडी क्षेत्रमा सामान्यतया बदली छ भने तराई क्षेत्रमा आंशिक बदलीको अवस्था रहेको छ । बागमती, गण्डकी र लुम्बिनी प्रदेशका पहाडी क्षेत्रमा हाल एक–दुई स्थानमा चट्याङसहित हल्का वर्षा भइरहेको छ ।

दिउँसो देशभर हिमाली र पहाडी भू–भागमा सामान्य बदली रहनेछ भने कोशी प्रदेशको तराईमा पनि बदली देखिनेछ । मधेस प्रदेश तथा बागमती र गण्डकीका तराई क्षेत्रमा आंशिक बदली रहनेछ भने लुम्बिनी र सुदूरपश्चिमका तराई क्षेत्रमा मुख्यतया मौसम सफा रहने अनुमान गरिएको छ ।

यस अवधिमा हिमाली र पहाडी क्षेत्रका केही स्थानमा मेघगर्जन र चट्याङसहित मध्यम वर्षा तथा उच्च हिमाली क्षेत्रमा हिमपातको सम्भावना रहेको छ । साथै कोशी, मधेस, बागमती र गण्डकी प्रदेशका केही तराई क्षेत्रमा पनि मेघगर्जनसहित वर्षा हुन सक्ने महाशाखाले जनाएको छ ।

लुम्बिनी र सुदूरपश्चिम प्रदेशका तराई क्षेत्रमा तातो हावा चल्ने सम्भावना रहेको तथा बागमती र गण्डकीका तराई क्षेत्रमा तापक्रम बढ्ने अनुमान गरिएको छ ।

रातिको समयमा कोशी, बागमती र गण्डकीका हिमाली तथा पहाडी क्षेत्रसँगै कोशी र मधेस प्रदेशका तराई क्षेत्रमा सामान्य बदली रहनेछ । लुम्बिनी, कर्णाली र सुदूरपश्चिमका हिमाली तथा पहाडी क्षेत्र र बागमती–गण्डकीका तराई क्षेत्रमा आंशिक बदली रहनेछ भने लुम्बिनी र सुदूरपश्चिमका तराई क्षेत्रमा मौसम मुख्यतया सफा रहनेछ ।

राति पनि कोशी, बागमती, गण्डकी र लुम्बिनीका केही हिमाली–पहाडी क्षेत्रमा मेघगर्जनसहित मध्यम वर्षा तथा हिमपातको सम्भावना रहेको छ । कोशी र मधेस प्रदेशका केही तराई क्षेत्रमा समेत चट्याङसहित वर्षा हुन सक्ने महाशाखाले जनाएको छ ।

महाशाखाले सम्भावित तातो हावा र तापक्रम वृद्धिबाट बच्न सतर्कता अपनाउन तथा नियमित रूपमा मौसमसम्बन्धी अद्यावधिक सूचनामा ध्यान दिन सर्वसाधारणलाई आग्रह गरेको छ ।

जनरक्षा फोकस

थप सामाग्री

पूँजी बजारप्रति प्रधानमन्त्री बालेन सकारात्मक, आर्थिक विकासमा प्राथमिकता

स्पेनका उनाई सिमोनले जिते गोल्डेन ग्लोभ, बनाए विश्वकपको नयाँ कीर्तिमान

लगातार दोस्रो विश्वकपमा गोल्डेन बुट जित्दै इतिहास रचे एम्बाप्पे

समाज

थप सामाग्री

• 

  आज साउन ०४ गते सोमबार, यस्तो छ तपाईको राशिफल

• 

  रुकुम पूर्व केन्द्रबिन्दु भएर ५ म्याग्निच्युडको भूकम्प, वरपरका जिल्लामा धक्का महसुस

• 

  सत्ता, सामाजिक सञ्जाल र मिडिया नियन्त्रणको मोह : इतिहास दोहोर्‍याउने असफल प्रयास

• 

  बाढी–पहिरोको जोखिम बढेपछि सरकारको कडा निर्णय, जोखिम मूल्याङ्कनपछि मात्रै सवारी सञ्चालन

• 

  भारी वर्षाको चेतावनी : २१ जिल्लामा बाढीको मध्यम जोखिम, कोसी ब्यारेजका ढोका खोल्ने तयारी

देशभर मनसुनी प्रभाव कायम : आज र राति भारीदेखि अति भारी वर्षाको सम्भावना, बाढी–पहिरोको उच्च जोखिम

२ दिन अगाडि

2.4kViews 473 Shares Share on Facebook Share on Twitter काठमाडौं । देशभर मनसुनी वायुको प्रभाव कायम रहेकाले आज दिनभर तथा…

गृहमन्त्रीको फिल्ड अपरेशन : सक्रियता कि जिम्मेवारीको सीमामाथिको हस्तक्षेप ?

३ दिन अगाडि

डडेल्धुरामा बोलेरो जिप दुर्घटना, दुई जनाको मृत्यु, तीन घाइते

३ दिन अगाडि

देशभर मनसुन सक्रिय : आज धेरै स्थानमा वर्षा, पाँच प्रदेशमा अति भारी वर्षाको जोखिम

३ दिन अगाडि