खड्का समूहको बैठक आज, रणनीति तय गर्ने तयारी

काठमाडौँ । नेपाली कांग्रेसका निवर्तमान कार्यवाहक सभापति पूर्णबहादुर खड्का नेतृत्वको समूहको बैठक आज बस्ने भएको छ।

महाराजगन्जस्थित स्मार्ट होटलमा आयोजना हुने बैठकमा चौधौँ महाधिवेशनबाट निर्वाचित केन्द्रीय सदस्य, पदाधिकारी तथा जिल्ला सभापतिहरू सहभागी हुनेछन्। बैठकबारे जानकारी दिँदै निवर्तमान केन्द्रीय सदस्य लक्ष्मी खतिवडाले समूहको आगामी रणनीतिबारे महत्वपूर्ण छलफल हुने बताइन्।

सर्वोच्च अदालतले विशेष महाधिवेशनलाई आधिकारिकता दिएपछि विकसित राजनीतिक परिस्थितिबारे साझा धारणा तय गर्न खड्काले बैठक आह्वान गरेका हुन्। पछिल्लो निर्णयले पार्टीभित्रको शक्ति सन्तुलन र आगामी कदमबारे बहस तीव्र बनेको छ।

यद्यपि, डा. शेखर कोइराला समूह भने उक्त बैठकमा सहभागी नहुने जनाएको छ, जसले पार्टीभित्रको आन्तरिक समीकरण अझ स्पष्ट हुने संकेत गरेको छ।

Facebook Comments Box