भाडा फेरि बढ्यो: सार्वजनिक यातायातमा ५ प्रतिशत वृद्धि

काठमाडौं । सरकारले सार्वजनिक यातायातको भाडा पुनः वृद्धि गरेको छ ।

यातायात व्यवस्था विभागका अनुसार मन्त्रीस्तरको मंगलबारको निर्णयपछि सार्वजनिक यातायातमा ५ प्रतिशत भाडा बढाइएको हो । विभागले जारी गरेको सूचनामा भौतिक पूर्वाधार तथा यातायात मन्त्रालयबाट यही वैशाख १२ गते सैद्धान्तिक सहमति प्राप्त भएपछि यात्रुवाहक तथा मालवाहक सवारीसाधनको भाडा समायोजन गरिएको उल्लेख छ ।

डिजेलको मूल्यवृद्धिलाई मुख्य कारण देखाउँदै विभागले भाडादर परिमार्जन गरिएको जनाएको छ ।

भाडा वृद्धि भएसँगै दैनिक आवतजावत गर्ने सर्वसाधारणमा थप आर्थिक भार पर्ने भएको छ । यद्यपि, यातायात व्यवसायीहरूले भने इन्धनको मूल्य निरन्तर बढेकाले भाडा समायोजन आवश्यक भएको बताएका छन् ।

Facebook Comments Box