लगातार वर्षाका कारण बीपी राजमार्ग पूर्ण रूपमा बन्द

काठमाडौं, २९ वैशाख — लगातार वर्षाका कारण बीपी राजमार्ग पूर्ण रूपमा बन्द गरिएको छ।

काभ्रे जिल्लाका विभिन्न स्थानमा ठूलो वर्षा भइरहेका कारण जोखिम बढेपछि राजमार्गमा सवारी आवागमन रोकिएको प्रहरीले जनाएको छ। सडकमा पहिरो र अवरोधको सम्भावना रहेकाले सुरक्षालाई ध्यानमा राख्दै आवागमन बन्द गरिएको हो।

प्रहरीका अनुसार मौसममा सुधार आएपछि मात्र राजमार्ग पुनः सञ्चालन गरिनेछ। राजमार्ग सुचारु सम्बन्धी औपचारिक सूचना मौसम अवस्था हेरेर पछि सार्वजनिक गरिने पनि जनाइएको छ।

यसैबीच, प्रहरीले यात्रुहरूलाई अनावश्यक जोखिम नलिन आग्रह गर्दै यात्रा गर्नुअघि १०० र १०३ नम्बरमा सम्पर्क गरेर मात्र प्रस्थान गर्न अनुरोध गरेको छ।

Facebook Comments Box