एक सातामा ५१० जनामा डेंगु सङ्क्रमण

काठमाडौँ । डेंगु देशका ७५ जिल्लामा फैलिएको छ । यस्तै पछिल्लो एक सातामा डेंगुका ५१० जना नयाँ बिरामी थपिएका छन् ।

स्वास्थ्य सेवा विभाग इपिडिमियोलोजी तथा रोग नियन्त्रण महाशाखाका अनुसार विगत २४ घण्टामा ४८ जनामा सङ्क्रमण पुष्टि भएको छ ।

गएको पुस महिनादेखि हालसम्म ६ हजार १०६ जनामा सङ्क्रमण पुष्टि भएको छ । हाल सम्म गण्डकी प्रदेशमा सबैभन्दा बढी १ हजार ५३५ डेंगु सङ्क्रमित फेला परेका छन् । त्यसपछि बागमती प्रदेशमा १ हजार ४४० र लुम्बिनी प्रदेशमा १ हजार ३७ जनामा सङ्क्रमण पुष्टि भएको महाशाखाले जनाएको छ । त्यस्तै कोशी प्रदेशमा ८२८, सुदूरपश्चिममा ७१४, कर्णालीमा ४२४ जनामा सङ्क्रमण पुष्टि भएको छ । अन्य प्रदेशहरुकाे तुलनामा मधेस प्रदेशमा कम सङ्ख्यामा डेंगुको सङ्क्रमण देखिएको छ । यहाँ १२८ जनामा सङ्क्रमण देखिएको छ ।

Facebook Comments Box