अनि म त शहीद भएँ…
13.0kViews
120
Shares
सुनील बाबु पन्त —- गोलीको छर्राले छेडेर गयो,
यो मुटु फुट्यो, थामिएन रगत।
म जमिनमा ढलेँ,
आँखा खुलेका खुलै रहे।
त्यो कोलाहलमा, बन्दुकको आवाजमा,
आमालाई याद गरें,
बाबालाई याद गरें,
गरें बहिनीलाई याद।
अनि म त शहीद भएँ…
देश बिरामी थियो,
उसलाई निको पार्न मेरो रगत चाहियो,
मैले रगत दिएँ।
एउटा सरकारले मलाई गोली हान्यो,
अर्को सरकारले गर्यो “शहीद” घोषणा।
दश लाख रुपैयाँ — मेरो लासको मूल्य,
साटोमा मेरी आमाले पाइन्
जीवनभर नमेटिने आँसु र पीडा।
गोलीको आवाज अझै कानमा गुन्जिरहेको थियो,
आँखा खुल्ला का खुल्ला थिए।
आर्यघाटको त्यो चितामा म जली रहेँ,
देश पनि जली रह्यो।
अनि म शहीद भएँ…
म ढलेँ — ठ्याक्कै त्यहीँ, जहाँ मेरा साथीहरू उभिएका थिए।
बाबाको आँसु देख्न पाइनँ — उनी रोए होलान् एक्लै।
आमा बेहोस भएर ढलेकी होलिन्,
र चेत खुलेको छैन होला।
मर्नुभन्दा अघि सम्झिएँ उनको न्यानो काख —
सानो बेलाको त्यो स्पर्श।
उनी आउने आशामा
मेरो आँखा खुला रहे।
आज ती हातहरूले मेरो लास छुने मौका पाएनन्,
अनि म शहीद भएँ…
मेरो गोजीमा केही दिनअघि बनाएको पासपोर्ट थियो —
विदेश जानका लागि।
अब त्यो रगतले पोतिएको छ।
म विदेश जान सकिनँ,
बरु म देशकै माटोमा विलीन भएँ।
मेरो सपना त भिजेको खरानी भयो,
बागमतीमा बगिगयो।
अनि म शहीद भएँ…
हे मेरा साथीहरू — तिमीहरू अझै जिउँदै छौ,
देश पनि जिउँदै छ।
त्यसैले, मेरो मृत्युको मूल्य नबिर्स।
हाम्रो अधुरो सपना पूरा गर्नुपर्छ,
सपना पूरा गर्न कसैले मर्नु पर्छ,
अनि म शहीद भएँ…
देशले रगत माग्यो — मैले दिएँ।
मेरो मूर्ति नबनाऊ, फूलमाला नचढाऊ।
मेरो बलिदानको याद गर,
अनि सम्झ —
शहीदहरू मर्दैनन्,
जबसम्म देश बाँची रहनेछ।
आमाको न्यानो काख सम्झिँदै अन्तिम सास फेरेँ।
मेरो आँखा खुला रहे, आँसु झरिरहे,
देशलाई सम्झिरहेँ।
अनि म त शहीद भएँ…
Facebook Comments Box
समाज
थप सामाग्री
घरबारविहीन नबनाउने सरकारको प्रतिबद्धता, सुकुम्बासी व्यवस्थापनमा विशेष आयोग गठन गरिने
१७ घण्टा अगाडि
1.7kViews 134 Shares Share on Facebook Share on Twitter काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछानेले घरबारविहीन नागरिकको…
Recent Posts
-
ललितपुरको पाटनमा छुरा प्रहारबाट दुई दाजुभाइको मृत्यु, दुई जना पक्राउ
३ हप्ता अगाडि
-
बुटवल–नारायणगढ सडक अझै अवरुद्ध
१ महिना अगाडि
-
कार्यसम्पादन मूल्यांकनमा काठमाडौं महानगर सबैभन्दा कमजोर, विराटनगर पहिलो
३ महिना अगाडि
-
रानीबारीस्थित आसरा सुधार केन्द्रमा सामूहिक जन्मोत्सव मनाउने अभियानको शुभारम्भ
३ महिना अगाडि
-
जनकपुरधाममा मधेश प्रदेशस्तरीय सुरक्षा गोष्ठी सुरु
४ महिना अगाडि
-
घुमुवा तानियो, एसपी सुरक्षित : सशस्त्र प्रहरीभित्र ‘ठूला जोगाउने, साना बलि चढाउने’ प्रवृत्ति उजागर
४ महिना अगाडि
-
आज १३औँ राष्ट्रिय पोसाक एवं टोपी दिवस मनाइँदै
४ महिना अगाडि
-
सञ्चार मन्त्रीलाई खुल्ला पत्र राज्यको बेवास्ताले धराशायी बन्दै पत्रकारिता
४ महिना अगाडि
-
प्रहरीमा ७ एसएसपी दुईमा दर्जन प्रतिस्पर्धी
५ महिना अगाडि
-
एसपी सन्तोष आचार्यले सम्हाले कपिलवस्तु प्रहरी प्रमुखको जिम्मेवारी
७ महिना अगाडि