आज फागुन २७ गते बुधबार, यस्तो छ तपाईको राशिफल

मेष- खराब व्यक्तिको विश्वासमा पर्दा काममा धोका पाइने सम्भावना छ । आफ्नै कमजोरीका कारण परिवारजनमा असन्तुष्टि बढ्न सक्छ । स्वास्थ्य भने सबल रहनेछ र विभिन्न अवसरले पछ्याउन सक्छन् । मुद्दा मामिला तथा कामका विविध झमेलाबाट मुक्ति मिल्नेछ । प्रयत्न गरे अप्ठ्यारा काम पनि सजिलै सम्पादन हुनेछन् । पराक्रम बढ्नेछ भने राम्रो धन लाभ पनि हुन सक्छ।

वृष- समयमै निर्णय लिन नसक्दा हातमा आएको अवसर गुम्न सक्छ। मान सम्मानमा चोट पुग्ने सम्भावना भएकाले सचेत रहनुहोस् । रोकिएका काम बन्नेछन् र नयाँ काम सुरु हुने संकेत छ । व्यापारमा फाइदा हुनेछ। दिन सामान्य रहनेछ। बहुमूल्य धातु संकलन गर्ने अवसर मिल्न सक्छ । सामाजिक प्रतिष्ठा बढ्नेछ, शत्रु परास्त हुनेछन्। प्रेम र मित्रताको बन्धन बलियो बन्ने समय छ।

मिथुन- अन्धविश्वासको भरमा काम गर्दा दुःख पाइने सम्भावना छ । धार्मिक कार्यमा केही बाधा आउन सक्छ, त्यसैले सजग रहनुहोस् । मेहनतले जीवनशैलीमा परिवर्तन ल्याउन सक्छ । तर परिवारजन बीच केही असमझदारी बढ्न सक्छ । राजनीतिक पहुँच बढ्नेछ, तर भूमि तथा स्थायी सम्पत्तिको विषयमा विवाद आउने सम्भावना भएकाले सावधान रहनु राम्रो हुन्छ।

कर्कट- राष्ट्रिय स्तरको मान सम्मान प्राप्त हुन सक्छ । प्रतिष्ठित व्यक्तिसँग भेटघाट हुने सम्भावना छ । मंगलमय काम सम्पन्न हुनेछन् र काममा आफन्तको सहयोग प्राप्त हुन सक्छ । ढाड वा जोर्नी सम्बन्धी समस्या देखिन सक्छ। आम्दानी बढ्ने भएकाले उत्साह थपिनेछ । तर आफ्नै कमजोरीका कारण अवसर गुम्न सक्छ र खराब संगतले मान सम्मानमा असर पर्न सक्छ।

सिंह- परिवारजनको सहयोगले उत्साह बढ्नेछ । स्वास्थ्यका लागि भारी खानपानमा सचेत रहनुहोस् । सुखद समाचारले काममा उत्साह थप्नेछ । प्रतिस्पर्धीलाई पछि पार्न सकिनेछ । आत्मीय जनसँग भेटघाट हुनेछ । व्यवसाय र उद्योगधन्दामा राम्रो फाइदा मिल्नेछ । पढाइ, लेखन, संगीत र कलामा रुचि बढ्नेछ र प्रतिभाको कदर हुनेछ।

कन्या- अनुसन्धानात्मक अध्ययन गर्नेहरूका लागि लाभदायक दिन रहनेछ । टाढाको यात्राबाट धन लाभ हुन सक्छ । प्रेम र मित्रताको सम्बन्ध अझ बलियो बन्नेछ । व्यापार व्यवसायमा राम्रो फाइदा हुनेछ । इष्टमित्र वा बन्धुबान्धवबाट सहयोग प्राप्त हुनेछ । भूमि सम्बन्धी कामबाट पनि राम्रो लाभ मिल्ने सम्भावना छ।

तुला- सरकारी निकायबाट हुने कडाइको सामना गर्नुपर्ने सम्भावना छ । दण्ड जरिवानाको जोखिम पनि देखिन्छ । पति पत्नी बीच असमझदारी बढ्न सक्छ । शिर वा पेट सम्बन्धी समस्या देखिन सक्छ । सोचेका काममा ढिलासुस्ती हुन सक्छ । स्वास्थ्य कमजोर हुँदा सामाजिक तथा राजनीतिक प्रभाव पनि घट्न सक्छ।

वृश्चिक- व्यापार व्यवसायमा लगानी बढाउने उपयुक्त समय छ । आफन्त र परिवारजन बीच आत्मीयता बढ्नेछ । जीवन साथीलाई केही स्वास्थ्य समस्या वा पीडा हुन सक्छ । स्वास्थ्य सम्बन्धी समस्या पहिचान गर्न कठिन हुन सक्ने संकेत पनि देखिन्छ, त्यसैले सावधानी अपनाउनु राम्रो हुन्छ।

धनु- आज व्यापारबाट राम्रो धन लाभ हुनेछ । भौतिक साधन जुट्नेछन् । कृषिउपज तथा पशुधनबाट पनि राम्रो फाइदा मिल्नेछ । लामो समयदेखि रोकिएका काम सम्पन्न हुने समय छ । नयाँ उद्योग वा विशेष काम सुरु गर्ने अवसर मिल्न सक्छ । राजनीतिक पहुँच बढ्नेछ र आर्थिक समस्या समाधानतर्फ अघि बढ्नेछ।

मकर- रमाइलो भ्रमण गर्ने अवसर मिल्न सक्छ । तर घर जग्गा वा बन्धुबान्धवसँग असमझदारी बढ्ने सम्भावना छ । पठन पाठनमा राम्रो प्रगति हुनेछ । सन्तान वा अनुयायीबाट प्रसन्नता मिल्नेछ । टाढाको यात्राको सम्भावना पनि छ । विभिन्न अवसरले पछ्याउने छन् र मुद्दा मामिला वा कामका झमेलाबाट केही समयका लागि मुक्ति मिल्न सक्छ।

कुम्भ- काममा केही बाधा आउन सक्छ र प्रतिस्पर्धीहरूले आफ्नो स्थान ओगट्ने प्रयास गर्न सक्छन् । पुरानो रोगले पुनः दुःख दिन सक्छ । घर खर्च बढ्ने तथा व्यापारमा केही मन्दी देखिन सक्छ । घरेलु समस्याले महत्वपूर्ण काममा असर पर्न सक्छ। घर जग्गा वा स्थायी सम्पत्तिमा विवाद आउन सक्छ । तथापि, प्रतिष्ठित व्यक्तिसँग मित्रता बढ्ने सम्भावना छ।

मीन- चोट पटक वा हाड जोर्नी सम्बन्धी समस्या आउने सम्भावना भएकाले सवारी साधन वा औजार प्रयोग गर्दा सावधानी अपनाउनुहोस् । आर्थिक समस्या समाधान हुने संकेत छ । तर पारिवारिक सम्बन्ध केही कमजोर बन्न सक्ने सम्भावना देखिन्छ।

Facebook Comments Box