नेपाल इन्जिनियरिङ कलेजमा ‘इन्जिनियरिङ तथा अनुसन्धानका लागि पाइथन’ विषयक क्षमता अभिवृद्धि कार्यक्रम सुरु

1.1kViews
208 Shares
काठमाडौं । नेपाल इन्जिनियरिङ कलेजमा ‘इन्जिनियरिङ तथा अनुसन्धानका लागि पाइथन’ विषयक पाँचदिने शिक्षक क्षमता अभिवृद्धि कार्यक्रम आइतबारदेखि सुरु भएको छ । विश्वविद्यालय अनुदान आयोग (यूजीसी) नेपालको विशेष सहयोगमा सञ्चालन भएको कार्यक्रममा कलेजका ६० जना शिक्षक तथा विद्यार्थीको सहभागिता रहेको छ ।

असार १ गतेदेखि ५ गतेसम्म सञ्चालन हुने कार्यक्रमको उद्देश्य प्राध्यापक, अनुसन्धानकर्ता तथा विद्यार्थीहरूको अनुसन्धान, तथ्याङ्क विश्लेषण र कम्प्युटरमा आधारित गणनात्मक सीप अभिवृद्धि गर्नु रहेको कलेजले जनाएको छ । कार्यक्रममार्फत सहभागीहरूलाई शिक्षण, अनुसन्धान तथा नवप्रवर्तनका क्षेत्रमा पाइथन प्रोग्रामिङ भाषाको प्रभावकारी प्रयोगसम्बन्धी व्यावहारिक ज्ञान प्रदान गरिनेछ ।

तालिमको पहिलो दिन (पाइथनको परिचय, कार्य वातावरणको स्थापना, आधारभूत लेखन शैली तथा नियन्त्रण संरचना) सम्बन्धी प्रशिक्षण प्रदान गरिनेछ । दोस्रो दिन (फङ्सन, मोड्युल, तथ्य सङ्ग्रह संरचना तथा संख्यात्मक गणना) सम्बन्धी विषय समेटिएका छन् ।

यस्तै, तेस्रो दिन (तथ्याङ्क विश्लेषण, तथ्य रूपान्तरण तथा वैज्ञानिक दृश्याङ्कन)का विषयमा अभ्यास गराइनेछ भने चौथो दिन (वैज्ञानिक गणना, अनुकूलन, संख्यात्मक समाकलन तथा इन्जिनियरिङसम्बन्धी व्यावहारिक अध्ययन) प्रस्तुत गरिनेछ । पाँचौँ दिन (पुनः उत्पादन गर्न सकिने अनुसन्धान, साना परियोजना निर्माण, प्रस्तुतीकरण तथा भावी सम्भावना)का विषयमा छलफल गरिने कार्यक्रम रहेको कलेजका मिडिया रिलेसन अफिसर महेश पुजाराले जानकारी दिनुभयो ।

कार्यक्रममा कृत्रिम बुद्धिमत्ता तथा प्रविधि क्षेत्रका विज्ञ क्षितिज रिमाल तथा इन्जिनियरिङ शिक्षाका प्राध्यापक इन्जिनियर नारायण सापकोटा स्रोत व्यक्तिका रूपमा सहभागी हुनुहुन्छ । उहाँहरूले अनुसन्धान, डाटा विश्लेषण तथा इन्जिनियरिङ क्षेत्रमा पाइथनको प्रयोगसम्बन्धी अनुभव र ज्ञान सहभागीहरूसँग साझा गर्नुहुनेछ ।

कार्यक्रम उद्घाटनका अवसरमा नेपाल इन्जिनियरिङ कलेजका प्राचार्य दुर्गाप्रसाद भण्डारीले सूचना प्रविधिको तीव्र विकाससँगै उच्च शिक्षामा डिजिटल दक्षताको आवश्यकता बढ्दै गएको उल्लेख गर्दै यस्ता कार्यक्रमले शिक्षक तथा अनुसन्धानकर्ताको क्षमता अभिवृद्धिमा महत्वपूर्ण योगदान पुर्‍याउने बताउनुभयो । उहाँले अनुसन्धानमा आधारित शिक्षण, नवीन सोच र प्रविधिमैत्री सिकाइ वातावरण निर्माणमा कार्यक्रम प्रभावकारी हुने विश्वास व्यक्त गर्नुभयो ।

त्यसैगरी सहायक प्राचार्य मोहनध्वज केसीले विश्वविद्यालय अनुदान आयोगको सहयोगमा सञ्चालन भएको उक्त कार्यक्रमले शिक्षकहरूको व्यावसायिक दक्षता अभिवृद्धि गर्नुका साथै विद्यार्थीहरूलाई समेत नवीन ज्ञान र सीप हासिल गर्ने अवसर प्रदान गर्ने अपेक्षा व्यक्त गर्नुभयो ।

यस कार्यक्रमले सहभागीहरूलाई पाइथनमार्फत अनुसन्धान, तथ्याङ्क विश्लेषण तथा जटिल इन्जिनियरिङ समस्याको समाधान खोज्न सक्षम बनाउने अपेक्षा गरिएको छ । मुनाफारहित सामाजिक शैक्षिक संस्थाका रूपमा सञ्चालित नेपाल इन्जिनियरिङ कलेजले समयानुकूल प्राविधिक ज्ञान, अनुसन्धान तथा क्षमता विकासका विभिन्न कार्यक्रम सञ्चालन गर्दै आएको छ ।
Facebook Comments Box

जनरक्षा फोकस

थप सामाग्री

आईजीपी दानबहादुर कार्कीको नेतृत्वमा प्रहरी संगठनमा नयाँ ऊर्जा: सुधार अभियानले लिएको तीव्र गति

संकटमा कमाण्ड सम्हाल्ने नेतृत्वमाथि अन्याय किन ?

जेनजी आन्दोलनपछि नेपाल प्रहरीले पाएको दृढ नेतृत्व

समाज

थप सामाग्री
काठमाडौं महानगरका १२८ स्थान डुबान जोखिममा, ८ हजारभन्दा बढी परिवार प्रभावित हुन सक्ने
८ घण्टा अगाडि

1.3kViews 366 Shares Share on Facebook Share on Twitter काठमाडौं — काठमाडौं महानगरपालिकाभित्र १२८ वटा स्थान डुबानको जोखिममा रहेको भन्दै…

झापाको मेचीनगरमा हात्तीको आक्रमणमा महिलाको मृत्यु
११ घण्टा अगाडि
दुर्गमका जिल्ला धमाधम गराउँदै सरकारी जग्गा खाली, भक्तपुरमा स्थानीय सरकार र प्रशासनले हात बाँध्दा भ्रष्टाचार र सरकारी सम्पत्तिमाथि कब्जा जारी !
१२ घण्टा अगाडि
परराष्ट्रमन्त्री शिशिर खनाल चारदिने औपचारिक भ्रमणमा चीन प्रस्थान, उच्चस्तरीय वार्ता र लगानी सम्मेलनमा सहभागिता
१२ घण्टा अगाडि

Recent Posts

TOP
208 Shares