कोशी प्रदेशका डिआईजी विनोद घिमिरेको विशेष अनुरोध: “निर्भय भएर मतदानमा सहभागी हुनुस्”

डिआईजी विनोद घिमिरेको विशेष अनुरोध: “निर्भय भएर मतदानमा सहभागी हुनुस्”
कोशी प्रदेशमा आसन्न निर्वाचनलाई लक्षित गर्दै सुरक्षा व्यवस्था थप सुदृढ बनाइएको छ। प्रदेश प्रहरी प्रमुख डिआईजी विनोद घिमिरेले निर्वाचनलाई स्वच्छ, निष्पक्ष र भयरहित वातावरणमा सम्पन्न गराउन सम्पूर्ण तयारी पूरा भएको जानकारी दिनुभएको छ।
डिआईजी घिमिरेका अनुसार मतदान केन्द्र तथा संवेदनशील क्षेत्रहरूमा पर्याप्त सुरक्षाकर्मी परिचालन गरिएको छ। सम्भावित जोखिमलाई मध्यनजर गर्दै आवश्यक सुरक्षा रणनीति अवलम्बन गरिएको र नागरिकको सुरक्षामा कुनै कमी हुन नदिने प्रतिबद्धता व्यक्त गरिएको छ।
उहाँले आम मतदातालाई ढुक्क र निर्भय भई मतदानमा सहभागी हुन आग्रह गर्दै लोकतन्त्रको सुदृढीकरणका लागि सक्रिय सहभागिता अपरिहार्य रहेको बताउनुभयो। साथै, कुनै पनि शंका वा असामान्य गतिविधि देखिएमा नजिकको प्रहरी निकायमा तुरुन्त जानकारी गराउन समेत अनुरोध गर्नुभएको छ।
“निर्वाचनलाई शान्तिपूर्ण र मर्यादित बनाउन सुरक्षा निकाय पूर्ण रूपमा तयारी अवस्थामा छन्। नागरिकहरूले कुनै डर नमानि आफ्नो लोकतान्त्रिक अधिकार प्रयोग गर्नुपर्छ,” डिआईजी घिमिरेले भन्नुभयो।
प्रदेशभर उच्च सतर्कता अपनाइएकाले यसपटकको निर्वाचन शान्तिपूर्ण र व्यवस्थित रूपमा सम्पन्न हुने विश्वास प्रहरी नेतृत्वले व्यक्त गरेको छ।

Facebook Comments Box