मुस्ताङबाट भित्रिएका ईभी गाडी कानुनअनुसार जाँचपास, रसुवामा भने गम्भीर कैफियत फेला

काठमाडौं । भन्सार विभागले मुस्ताङ भन्सारबाट भित्रिएका विद्युतीय गाडीहरू नियमसंगत रूपमा जाँचपास भएको स्पष्ट पारेको छ भने रसुवा भन्सारमा जाँचपास प्रक्रियामा गम्भीर कैफियत भेटिएको जनाएको छ।

विभागका अनुसार मुस्ताङ भन्सार कार्यालयमा खटिएको अनुगमन टोलीले ६४९ वटा विद्युतीय गाडी कानुनी प्रक्रिया पूरा गरेरै नेपाल भित्रिएको र सबै गाडी नियमानुसार जाँचपास भइसकेको निष्कर्ष निकालेको छ। ती गाडीहरू जेठ १४ गते नेपाल प्रवेश गरेको र सोही समयमै भन्सार प्रक्रिया पूरा भएको अनुगमन प्रतिवेदनमा उल्लेख गरिएको छ।

अनुगमन टोलीले आधिकारिक अभिलेख, कागजात तथा सिसीटीभी फुटेजको विस्तृत अध्ययनपछि मुस्ताङ भन्सारको जाँचपास प्रक्रिया नियमअनुसार नै भएको ठहर गरेको विभागले जनाएको छ।

तर रसुवा भन्सार कार्यालयमा गरिएको जाँचपास प्रक्रियामा भने गम्भीर लापरबाही देखिएको विभागको भनाइ छ। अनुगमन टोलीले स्थलगत अध्ययन गर्दा कतिपय विद्युतीय गाडीहरू भौतिक रूपमा भन्सारमा नआइपुग्दै कागजातका आधारमा मात्र जाँचपास गरिएको पाइएको जनाएको छ।

भन्सार विभागले कर्मचारीहरूको जिम्मेवारी निर्वाहमा कमजोरी र पर्याप्त सावधानी नअपनाइएको निष्कर्ष निकाल्दै रसुवा भन्सार कार्यालयका तत्कालीन प्रमुखसहित १३ जना कर्मचारीलाई निलम्बन गरी विभागीय कारबाही अघि बढाइसकेको छ।

यसैबीच विभागले विभिन्न कम्पनी तथा एजेन्टहरूलाई पनि प्रचलित भन्सार कानुनअनुसार कारबाहीका लागि सम्बन्धित रसुवा भन्सार कार्यालयमा लेखी पठाएको जनाएको छ। कारबाहीको दायरामा लक्ष्मी इमोबिलिटी, साइमेक्स इन्क, सिजी मोटर्स, पूजा इन्टरनेसनललगायत कम्पनी तथा एजेन्टहरू परेका छन्।

विभागले भन्सार प्रक्रियामा पारदर्शिता, कानुनी पालना र जिम्मेवारी सुनिश्चित गर्न अनुगमन थप कडा बनाइने जनाएको छ।

जनरक्षा फोकस

थप सामाग्री

आईजीपी दानबहादुर कार्कीको नेतृत्वमा प्रहरी संगठनमा नयाँ ऊर्जा: सुधार अभियानले लिएको तीव्र गति

संकटमा कमाण्ड सम्हाल्ने नेतृत्वमाथि अन्याय किन ?

जेनजी आन्दोलनपछि नेपाल प्रहरीले पाएको दृढ नेतृत्व

समाज

थप सामाग्री

• 

  जावलाखेलमा आज रातो मच्छिन्द्रनाथको भोटो जात्रा सम्पन्न हुँदै

• 

  पत्रकार महिलाहरुका लागि क्षमता अभिबृद्धी तालिम शुरु

• 

  आईजीपी दानबहादुर कार्कीको नेतृत्वमा पुनर्जागृत बन्यो बानेश्वर प्रहरी वृत्त, योगदानकर्तालाई प्रशंसापत्रद्वारा सम्मान

• 

  बर्डफ्लु सङ्क्रमण पुष्टि भएपछि सदर चिडियाखाना अनिश्चितकालका लागि बन्द

• 

  प्रहरी वृत्त बानेश्वरको नवनिर्मित भवन हस्तान्तरण, सेवा प्रवाहलाई थप सुदृढ बनाउने लक्ष्य

रातो मच्छिन्द्रनाथ रथयात्रा शनिबार भोटो देखाएपछि सम्पन्न हुँदै

१ दिन अगाडि

1.5kViews 138 Shares Share on Facebook Share on Twitter ललितपुर । करिब एक हजार ६०० वर्ष पुरानो तथा नेपालको सबैभन्दा…

आज असार ५ गते शुक्रबार, यस्तो छ तपाईंको राशिफल

१ दिन अगाडि

मधेश प्रदेश प्रहरीमा सुधार अभियानको चर्चा, डीआईजी गोबिन्द थपलियाको कार्यकालको उच्च मुल्यांकन

२ दिन अगाडि

मधेश प्रहरीमा सुधारको ऐतिहासिक अभियान : डिआईजी गोबिन्द थपलियाको आठ महिने कार्यकाल उदाहरणीय

२ दिन अगाडि