आज फागुन १८ गते सोमबार,यस्तो छ तपाईको राशिफल

मेष- नयाँ काम सुरु गर्न हतार नगर्नु राम्रो हुन्छ । कार्य क्षेत्रमा केही अवरोध र हैरानी देखिन सक्छ, त्यसैले निर्णय गर्दा सोच विचार गर्नुस् । व्यापारमा सतर्कता अपनाउनु उपयुक्त हुनेछ । सामाजिक क्षेत्रमा भने तपाईंको प्रतिष्ठा बढ्ने संकेत छ । जागिरमा जिम्मेवारीपूर्वक काम गर्नुपर्ने दिन छ । स्वास्थ्य सामान्य रहनेछ र आर्थिक पक्षमा केही सकारात्मक संकेत देखिन्छ।

वृष- चल अचल सम्पत्ति सम्बन्धी काम अघि बढ्न सक्छ । दाम्पत्य जीवन सुखद रहनेछ र घरमा पाहुनाको आगमन सम्भव छ । प्रेम तथा मित्रताको सम्बन्ध बलियो बन्नेछ । यात्राको अवसर मिल्न सक्छ । गुरुजनको सल्लाह र आफ्नै विवेक प्रयोग गर्दा लक्ष्य हासिल गर्न सहज हुनेछ ।

मिथुन- दैनिक तथा व्यापारिक काम सन्तोषजनक रूपमा सम्पन्न हुनेछन् । विदेशबाट लाभ वा समाचार प्राप्त हुन सक्छ । परोपकारी कार्यतर्फ मन आकर्षित हुनेछ । साथीभाइसँग भेटघाटको अवसर मिल्नेछ । सोचेभन्दा फरक तर सकारात्मक परिणाम आउने संकेत छ।

कर्कट- खर्च र विवाद बढ्न सक्ने समय भएकाले संयमता आवश्यक छ । अनावश्यक झमेलाबाट टाढा रहनु राम्रो हुन्छ । सवारी साधन चलाउँदा विशेष सावधानी अपनाउनुहोस् । स्वास्थ्यमा सामान्य समस्या देखिन सक्ने भएकाले खानपानमा ध्यान दिनु उपयुक्त हुनेछ । यात्रामा पनि सचेत रहनुहोस्।

सिंह- आफ्ना प्रतिभा र क्षमता प्रदर्शन गर्ने अवसर मिल्नेछ । केही काम ढिलाइ भए पनि अन्ततः सफलता हात लाग्ने संकेत छ । प्रतिष्ठित व्यक्तिसँग भेटघाट हुन सक्छ । सहयोगीहरूको साथले अप्ठ्यारो परिस्थितिमा पनि सहजता मिल्नेछ । सुखद समाचार सुन्न पाइने सम्भावना छ।

कन्या- धन लाभको सम्भावना छ । नयाँ व्यक्तिसँग चिनजान हुने र छोटो यात्राको अवसर मिल्न सक्छ । पुराना कामहरू सम्पन्न हुनेछन् । आम्दानी बढ्ने संकेत देखिन्छ। अड्किएको रकम फिर्ता पाउँदा मन प्रसन्न हुनेछ।

तुला- आयआर्जनका अवसर देखिए पनि नयाँ काम सुरु गर्दा सावधानी आवश्यक छ । कृषि सम्बन्धी कामबाट लाभ मिल्न सक्छ । टाढाको यात्राको योग छ । लेनदेनमा सतर्कता अपनाउनु राम्रो हुनेछ । घरमा पाहुनाको आगमनले वातावरण रमाइलो बन्नेछ।

वृश्चिक- अनावश्यक खर्च बढ्न सक्छ । स्वास्थ्य प्रति सचेत रहनु आवश्यक छ, विशेष गरी खानपानमा ध्यान दिनुहोस् । प्रेम सम्बन्धमा गलतफहमी आउन सक्ने संकेत छ। साना काममै समय बित्न सक्छ, त्यसैले धैर्य राख्नु उपयुक्त हुनेछ।

धनु- अरूको आश्वासनमा भर पर्दा निराशा हुन सक्छ, त्यसैले आफ्नै निर्णयमा अडिग रहनु राम्रो हुन्छ । काममा उन्नति गर्ने अवसर देखिन्छ । स्वास्थ्य प्रति सजग रहनुहोस् । केही काम अपेक्षित समयमा सम्पन्न नहुन सक्छ, तर धैर्यले सफलता सम्भव छ।

मकर- आम्दानीका नयाँ स्रोत खुल्नेछन् । वैदेशिक क्षेत्रबाट लाभ मिल्ने संकेत छ। कृषि क्षेत्रमा परिश्रम आवश्यक हुनेछ । परिवारसँग समय बिताउँदा खुसी मिल्नेछ। अध्ययन तथा धार्मिक कार्यतर्फ रुचि बढ्नेछ।

कुम्भ- कामहरू सहज रूपमा सम्पन्न हुनेछन् । इच्छा शक्ति र आत्मविश्वास बढ्नेछ। अध्ययनमा प्रगति देखिनेछ । पारिवारिक सुख र आर्थिक लाभको संकेत छ। व्यापारमा पनि सकारात्मक परिणाम देखिन सक्छ।

मीन- विवादबाट जोगिनु उचित हुनेछ । पेशागत क्षेत्रमा केही चुनौती देखिन सक्छ। परिवार भित्र मतभेद हुन सक्ने संकेत छ । प्रयास गरेपनि केही काम अपेक्षित रूपमा सफल नहुन सक्छ, त्यसैले धैर्य र संयमता आवश्यक हुनेछ।

Facebook Comments Box