रङहरूको उल्लासले भरिएको फागु पूर्णिमा : प्रेम, शान्ति र सद्भावको सन्देश

काठमाडौं, फागुन — वसन्त ऋतुको आगमनसँगै देशभर रङहरूको उत्सव फागु पूर्णिमा (होली) हर्षोल्लासका साथ मनाइँदै छ। सप्तरङ्गी इन्द्रेणीझैँ उज्यालो, रमाइलो र सुन्दर जीवनको कामनासहित आज नेपाली समाज रङमा रमाएको छ।
फागु पूर्णिमा केवल रङ खेल्ने पर्व मात्र नभई आपसी सद्भाव, प्रेम र भाइचारा सुदृढ गर्ने अवसरका रूपमा पनि चिनिन्छ। यस दिन मानिसहरू पुराना मनमुटाव बिर्सेर एकअर्कालाई अबिर र रङ लगाउँदै सम्बन्धलाई अझ प्रगाढ बनाउने परम्परा रहेको छ। रङहरूले मनमा उत्साह थप्दै शान्ति र एकताको सन्देश फैलाउने विश्वास गरिन्छ।
विशेषगरी पहाडी जिल्लाहरूमा आज र तराई क्षेत्रमा भोलि मनाइने यो पर्वले विविध संस्कृतिलाई एउटै सूत्रमा बाँध्ने काम गरेको छ। शहरदेखि गाउँसम्म बालबालिका, युवा तथा वृद्धवृद्धा सबै रङको उल्लासमा सहभागी भएका छन्।
यस पावन अवसरमा सबैको जीवन सप्तरङ्गी इन्द्रेणीझैँ उज्यालो, रमाइलो र सुन्दर बनोस्। रङहरूले सम्बन्धलाई अझ प्रगाढ बनाउन्, मनमा प्रेम, शान्ति र सद्भाव भरियोस् भन्ने शुभेच्छा व्यक्त गरिएको छ।
रङहरूको उल्लासमय पर्व फागु पूर्णिमा (होली) को सबैमा हार्दिक शुभकामना।

Facebook Comments Box