बागमती प्रदेशमा वैशाख २४ गते सार्वजनिक बिदा

मकवानपुर । बागमती प्रदेश सरकारले वैशाख २४ गते सार्वजनिक बिदा दिने निर्णय गरेको छ। प्रदेश सरकारको सरकारी कामकाजको भाषा सम्बन्धी दिवसका अवसरमा उक्त दिन प्रदेशभर बिदा दिइने भएको हो।

गत चैत २३ गते प्रकाशित सूचनाअनुसार वैशाख २४ गते बिहीबार प्रदेशभरका सरकारी कार्यालय, सार्वजनिक संस्थान तथा शैक्षिक संस्थाहरू बन्द रहनेछन्। बागमती प्रदेश सरकारले सरकारी कामकाजको भाषा सम्बन्धी ऐन कार्यान्वयनमा आएको दिनलाई स्मरण गर्दै हरेक वर्ष वैशाख २४ गते ‘भाषा दिवस’ मनाउँदै आएको छ।

प्रदेश सरकारले भाषाको संरक्षण, प्रवर्द्धन र प्रयोगलाई संस्थागत गर्दै लैजाने उद्देश्यका साथ उक्त दिवसलाई विशेष महत्व दिँदै सार्वजनिक बिदा दिने परम्परा कायम राखेको जनाएको छ।

Facebook Comments Box