दुर्गा प्रसाईं पक्राउ, वीरगन्जको होटेलबाट नियन्त्रणमा लिएपछि प्रहरी हिरासतमा

वीरगन्ज । मेडिकल व्यवसायी दुर्गा प्रसाईंलाई प्रहरीले पक्राउ गरेको छ ।

उनलाई पर्साको वीरगन्जस्थित होटेल दियालो लर्ड्सबाट जरुरी पक्राउ पुर्जीका आधारमा केहीबेर अघि नियन्त्रणमा लिइएको जिल्ला प्रहरी कार्यालय पर्साले जनाएको छ । पक्राउपछि उनलाई जिल्ला प्रहरी कार्यालय पर्साको हिरासतमा राखिएको छ ।

‘राष्ट्र, राष्ट्रियता, धर्म, संस्कृति र नागरिक बचाऊ महाअभियान नेपाल’ का संयोजक रहेका प्रसाईं आफ्नै अभियानअन्तर्गत आयोजना हुने कार्यक्रमका लागि वीरगन्ज पुगेका थिए । उक्त कार्यक्रम भोलिका लागि तय गरिएको थियो ।

प्रहरीका अनुसार कार्यक्रमको पूर्वसन्ध्यामा उनलाई नियन्त्रणमा लिइएको हो ।

यसबीच, सामाजिक सञ्जाल टिकटकमा सार्वजनिक भएको एक भिडियोमा उनले प्रधानमन्त्री तथा अन्य उच्च पदस्थ अधिकारीहरूप्रति अशोभनीय टिप्पणी गरेको भन्दै त्यसबारे पनि विभिन्न कोणबाट चर्चा भइरहेको छ । सोही विषयसँग सम्बन्धित रहेर अनुसन्धान तथा प्रक्रियागत कारबाही अघि बढाइएको स्रोतले जनाएको छ ।

प्रहरीले घटनाबारे थप अनुसन्धान भइरहेको जनाएको छ ।

Facebook Comments Box