यो मलाई तपाईले जीवित देखेको अन्तिम समय हुन सक्छ : भोलोडिमिर जेलेन्स्की

युक्रेनमा रुसले आक्रमण गरेको तेस्रो दिनमै रुसी सेना मिसाईल आक्रमण गर्दै राजधानी किभमा प्रवेश गरेपछि भीषण युद्ध जारी छ । युक्रेनले रुसी वार प्लेन खसाल्नुका साथै ३५ सय बढी रुसी सेना मारेको दाबी गरेको छ । रुसले युक्रेनको २ सय बढी सैन्य अखडाहरु ध्वस्त पारेको दाबी गरेको छ ।
यसैबीचमा अमेरीकाले युक्रेनका राष्ट्रपति भोलोदिमोर जेलेन्सकीलाई उद्धार गरेर लैजान गरेको प्रस्ताव अस्वीकार गरेका छन् । उनले आफूले देशका लागि गद्धारी गर्न नसक्ने भन्दै आफूलाई गाडी हैन हतियार चाहिएको बताएका छन् ।
यसै क्रममा उनले भिडियो सन्देशमा आफूलाई युरोप र अमेरीकाले एक्लै युद्धका लागि छाडेको भन्दै भावुकता व्यक्त गरेका छन् । उनले युरोपेली नेताहरुलाई भनेका छन्, यो अन्तिम पटक हुन सक्छ तपाईहरुले मलाई जीवित देखेको ।
अबको केही घण्टाहरुमा रुसले किभलाई नियन्त्रणमा लिन सक्ने आकंलन गुप्तचर एजेन्सीहरुले गरीरहेका छन् ।तीन दिनको युद्धमा हजारौँ मानिसको मृत्यु भएको आशंका गरिएपनि यसको एकिन तथ्यांक आउन बाँकी छ ।

Facebook Comments Box