झापामा भोट माग्न सादा पोशाकका प्रहरी प्रयोग, बालेन्द्रलाई आयोगले सोध्यो दोस्रो पटक स्पष्टीकरण

काठमाडौं- निर्वाचन आयोगले काठमाडौं महानगरपालिकाका पूर्वमेयर बालेन्द्र साहलाई दोस्रो पटक स्पष्टीकरण सोधेको ५।

निर्वाचन आचारसंहिता उल्लङ्घन गर्ने थप नौ जनालाई स्पष्टीकरण सोध्ने क्रममा बालेन्द्र पनि परेका हुन् । शनिबारसम्म आयोगले २१ स्पष्टीकरण सोधेको थियो । आइतबार र सोमबार बालेन्द्रसहित थप नौजनालाई स्पष्टीकरण सोधिएको हो ।

आयोगका सहायक प्रवक्ता कुलबहादुर जिसीका अनुसार झापा ५ मा चुनाव प्रचारका क्रममा बालेन्द्र पत्नी सविना काफ्लेले सादा पोशाकका प्रहरी प्रयोग गरेको जानकारी आएपछि स्पष्टीकरण सोधिएको बताए ।

निर्वाचन आचारसंहिता, २०८२ को दफा २१ को खण्ड (च), दफा २५ को उपदफा (१) को खण्ड (च) र (ज) बमोजिम बाजुराका उम्मेदवार साहलाई तीन दिनभित्र जवाफ माग गरिएको प्रवक्ता जिसीले बताए।

राष्ट्रिय स्वतन्त्र पार्टी (रास्वपा) बाट झापा क्षेत्र नं. ५ का उम्मेदवार साहलाई आयोगले आइतबार दोस्रोपटक स्पष्टीकरण सोधेको हो ।

बालेन्द्रलाई जिताउन भन्दै सविना झापामा खटिएकी थिइन् । उनले त्यहाँ भोट माग्ने क्रममा सादा पोसाकका प्रहरी पनि खटाएको समाचार आएको थियो ।

सादा पोशाकका प्रहरी उतारेर बालेनलाई भोट माग्दै भन्ने श्रव्यदृश्य सामग्री प्राप्त भएपछि दोस्रोपटक स्पष्टीकरण सोधिएको आयोगले जनाएको छ ।

साहको निर्वाचन प्रचारप्रसारका क्रममा उनकी श्रीमतीसँग सादा पोसाकका प्रहरी खटिएका थिए । उनीहरू सविनासँगै रास्वपालाई भोट दिन भन्दै हिँडेको भिडियोमा देख्न सकिन्छ ।

‘त्यस सम्बन्धमा के कसो भएको हो ?’, आयोगले स्पष्टीकरण सोध्ने क्रममा भनेको छ। साहलाई तीन दिनभित्र जवाफ आयोगले स्पष्टीकरण सोधेको प्रवक्ता जिसीले बताए।

यसअघि १३ माघमा आयोगले बालेन्द्रसहित सामाजिक सञ्जालमा भाइरलहरू चारजनालाई एकसाथ स्पष्टीकरण सोधेको थियो ।

आयोगले राष्ट्रिय स्वतन्त्र पार्टीका वरिष्ठ नेता बालेन, नेकपा एमालेका सचिव महेश बस्नेत, श्रम संस्कृति पार्टीका अध्यक्ष हर्क साम्पाङ र उम्मेदवार निकोलस भुसाललाई निर्वाचन आचारसंहिता उल्लंघनको आरोपमा स्पष्टीकरण सोधेको थियो ।

Facebook Comments Box