प्रहरी संगठनमै गुटबन्दीको संकेत : चेन अफ कमान्डमाथि चुनौती, सुरक्षा व्यवस्थामै असर पर्ने चिन्ता

काठमाडौं । प्रहरी संगठनभित्रै केही एआईजी र डिआईजीहरूबीच गुटबन्दी भएको संकेत देखिएको भन्दै यसले संगठनको चेन अफ कमान्डमाथि नै चुनौती सिर्जना गरेको चिन्ता व्यक्त हुन थालेको छ। सुरक्षा निकायजस्तो अनुशासित र संवेदनशील संस्थाभित्र यस्तो गतिविधि देखिनु समग्र सुरक्षा व्यवस्थाका लागि गम्भीर विषय हुन सक्ने विश्लेषण गरिएको छ।
प्रहरी संगठनमा आदेश र जिम्मेवारी स्पष्ट रूपमा माथिबाट तलसम्म पालन हुने चेन अफ कमान्डलाई अत्यन्त महत्वपूर्ण मानिन्छ। तर केही उच्च अधिकारीबीच देखिएको भनिएको समूहगत गतिविधिले संस्थागत अनुशासन कमजोर बन्ने र निर्णय प्रक्रियामा अनावश्यक प्रभाव पर्न सक्ने आशंका गरिएको छ।
सुरक्षा विज्ञहरूका अनुसार बर्दीधारी कर्मचारीले व्यक्तिगत वा राजनीतिक स्वार्थभन्दा माथि उठेर देश र जनताको हितलाई प्राथमिकता दिनुपर्छ। बर्दीमा रहँदा राजनीति गर्ने होइन, कानूनको शासन र नागरिक सुरक्षालाई केन्द्रमा राखेर काम गर्नु नै प्रहरीको मुख्य दायित्व हो।
यस्ता गतिविधिले प्रहरी संगठनको विश्वसनीयता, अनुशासन र प्रभावकारितामा नकारात्मक असर पार्न सक्ने भएकाले सम्बन्धित निकायले समयमै गम्भीरतापूर्वक ध्यान दिनुपर्ने आवश्यकता देखिएको छ। संगठनभित्र पारदर्शिता, अनुशासन र पेशागत मर्यादा कायम राख्दै देश र जनताको पक्षमा सेवा प्रवाहलाई अझ मजबुत बनाउनुपर्ने आवाज समेत उठ्न थालेको छ।

Facebook Comments Box