एसएसपी रमेश थापाको कुशल कमाण्डमा थापाथली–बानेश्वरका अतिक्रमित बस्ती खाली

काठमाडौँमा अतिक्रमण गरी बसोबास गरिएको सुकुम्बासी बस्ती हटाउने अभियान अन्तर्गत प्रहरीको सक्रियता र प्रभावकारी कमाण्ड देखिएको छ। नेपाल सरकारको निर्देशनअनुसार काठमाडौँका एसएसपी रमेश थापाको नेतृत्वमा थापाथली र बानेश्वरस्थित गैरी गाउँ क्षेत्रमा डोजर चलाएर अतिक्रमित बस्ती सफलतापूर्वक खाली गराइएको हो।

उक्त अभियानमा सुरक्षा व्यवस्थापनलाई मजबुत बनाउँदै सम्भावित अवरोधलाई नियन्त्रणमा राखिएको थियो। एसएसपी थापाको समन्वय र नेतृत्वमा प्रहरी टोलीले शान्तिपूर्ण रूपमा बस्ती खाली गराउँदै सरकारी निर्णय कार्यान्वयनमा उल्लेखनीय सफलता हासिल गरेको जनाएको छ।

दीर्घकालदेखि सार्वजनिक तथा सरकारी जमिन अतिक्रमण गरेर बसोबास गर्दै आएका संरचनाहरू हटाउने क्रममा स्थानीय प्रशासन र प्रहरीबीच उच्चस्तरीय सहकार्य देखिएको थियो। यस कदमलाई शहरी व्यवस्थापन र कानुनी शासन कायम गर्ने दिशामा महत्वपूर्ण प्रगतिको रूपमा हेरिएको छ।

सरकारको नीतिअनुसार सार्वजनिक जग्गा संरक्षण तथा व्यवस्थित शहरी विकासका लागि यस्ता अभियानहरू आगामी दिनमा पनि निरन्तर अघि बढाइने जनाइएको छ।