शिवपुरीमा महिला हत्या प्रकरण: ढुंगाले हानेर हत्या गरी शव गाडेको आरोप, एक जना पक्राउ

काठमाडौँ — तारकेश्वर नगरपालिका–३ जितपुरफेदीकी ४५ वर्षीया सरिता तिवारीको हत्या गरी शव शिवपुरी राष्ट्रिय निकुञ्ज क्षेत्रभित्र गाडिएको अवस्थामा फेला परेको छ। घटनामा संलग्न भएको आरोपमा प्रहरीले ३५ वर्षीय अनिल डंगोललाई पक्राउ गरी अनुसन्धान अघि बढाएको छ।

वैशाख ११ गते दिउँसो करिब १ बजे घरबाट निस्किएकी तिवारी साँझसम्म नफर्किएपछि परिवारले प्रहरी वृत्त बालाजुमा खोजतलासको निवेदन दिएका थिए। अनुसन्धान क्रममा सीसीटीभी फुटेज र मोबाइल लोकेशन विश्लेषण गर्दा सरिता र अनिल डंगोलबीच सम्पर्क देखिएको तथा दुवै जना शिवपुरी क्षेत्रतर्फ गएको पुष्टि भएपछि प्रहरीको ध्यान डंगोलतर्फ केन्द्रित भएको हो।

टोखा नगरपालिका–२ बस्दै आएका डंगोलले सो क्षेत्रमा खाजाघर सञ्चालन गर्दै आएका थिए र घरजग्गा कारोबारमा पनि संलग्न रहेको खुलेको छ। प्रारम्भिक सोधपुछका क्रममा उनले सरितालाई शिवपुरी जंगलमा लगेर ढुंगाले हिर्काएर हत्या गरेको स्वीकार गरेका छन्।

प्रहरीलाई दिएको बयानअनुसार उनले भनेका छन्, “ढुंगाले टाउकोमा हिर्काएँ, मृत्यु भएको यकिन भएपछि खाल्डो खनेर पुरेँ।”

प्रहरीका अनुसार डंगोलको बयानका आधारमा गरिएको उत्खननबाट सरिताको शव शिवपुरी क्षेत्रको जंगलभित्र फेला परेको हो। शव एक्लै गाडिएको अवस्थामा कसरी व्यवस्थापन गरियो भन्नेबारे भने थप अनुसन्धान भइरहेको छ।

प्रहरीका अनुसार मृतक र आरोपितबीच पारिवारिक चिनजान रहेको र उनीहरूबीच प्रेम सम्बन्धसमेत रहेको प्रारम्भिक अनुसन्धानले देखाएको छ। सम्बन्धमा आएको खटपटपछि घटना भएको हुन सक्ने आशंका गरिएको छ।

प्रहरीले डंगोललाई ज्यानसम्बन्धी कसुरमा अदालतबाट ७ दिनको म्याद लिएर अनुसन्धान गरिरहेको छ। हाल उनलाई प्रहरी वृत्त महाराजगञ्जको हिरासतमा राखिएको छ। शवको पोस्टमार्टम रिपोर्ट आउन बाँकी रहेको प्रहरीले जनाएको छ।

सरिता तिवारी पूर्वनिर्वाचन प्रहरीसमेत रहेको र उनले पछिल्लो प्रतिनिधि सभा निर्वाचनमा निर्वाचन प्रहरीका रूपमा काम गरेको पनि खुलेको छ।

प्रहरीले घटनाको सम्पूर्ण कारण, योजनाबद्धता र अन्य संलग्नता बारे विस्तृत अनुसन्धान जारी राखेको छ।

जनरक्षा फोकस

थप सामाग्री

आईजीपी दानबहादुर कार्कीको नेतृत्वमा प्रहरी संगठनमा नयाँ ऊर्जा: सुधार अभियानले लिएको तीव्र गति

संकटमा कमाण्ड सम्हाल्ने नेतृत्वमाथि अन्याय किन ?

जेनजी आन्दोलनपछि नेपाल प्रहरीले पाएको दृढ नेतृत्व

समाज

थप सामाग्री

• 

  मधेस प्रदेशमा “तस्करीको जालो ” तोड्दै काठमाडौं भित्रिए डीआईजी गोविन्द थपलिया

• 

  आज असार ३ गते बुधबार, यस्तो छ तपाईंको राशिफल

• 

  गृह मन्त्रालयद्वारा नेपाल प्रहरी र सशस्त्र प्रहरीको विधेयक एकसाथ अघि बढाउने तयारी

• 

  आइजीपी दानबहादुर कार्कीः शान्ति सुरक्षा सबैको सामूहिक प्रयासबाट मात्र सम्भव

• 

  आज असार २ गते मंगलबार, यस्तो छ तपाईको राशिफल राशिफल

दूरदर्शी नेतृत्वका धनी आईजीपी दानबहादुर कार्कीद्वारा रुपन्देहीका प्रहरी इकाइको निरीक्षण, प्रहरी कर्मचारी उत्साहित

२ दिन अगाडि

1.3kViews 187 Shares Share on Facebook Share on Twitter रुपन्देही । नेपाल प्रहरीका संगठन प्रमुख प्रहरी महानिरीक्षक (आईजीपी) दानबहादुर कार्कीले…

एसएसपी कृष्ण कोइरालाद्वारा जिल्ला प्रहरी कार्यालय स्याङ्जाको निरीक्षण, प्रभावकारी अपराध अनुसन्धानमा जोड

२ दिन अगाडि

डिआईजी विनोद घिमिरेद्वारा पदोन्नत प्रहरी कर्मचारीलाई दर्ज्यानी चिन्ह सुशोभन, उत्कृष्ट कार्यसम्पादनको निर्देशन

२ दिन अगाडि

एआईजी ईश्वर कार्कीद्वारा बिदाइ तथा दर्ज्यानी चिन्ह सुशोभन कार्यक्रम सम्पन्न

२ दिन अगाडि