नेपाल प्रहरीका अवकाश प्राप्त कर्मचारीलाई बिदाइ तथा शुभकामना कार्यक्रम सम्पन्न

धादिङ । अवकाश प्राप्त तथा स्वैच्छिक अवकाशमा जाने प्रहरी कर्मचारीलाई सम्मानपूर्वक बिदाइ गरिएको छ ।

नेपाल प्रहरी प्रधान कार्यालय, मानवश्रोत विकास विभाग, कर्मचारी प्रशासन शाखाको पत्र आदेशअनुसार ३० वर्ष सेवा अवधि पूरा गरी विधिवत रूपमा सेवाबाट अवकाश प्राप्त प्राविधिक प्रहरी निरीक्षक काशिराम बुढालाई एक कार्यक्रमका बीच बिदाइ गरिएको हो । उनलाई धादिङ जिल्लाका प्रहरी प्रमुख एसपी सुमित खड्का, डिएसपी, इन्सपेक्टरसहितका प्रहरी अधिकृत तथा कर्मचारीहरूले सम्मानसहित विदाइ गरेका थिए ।

त्यसैगरी २० वर्ष १ महिना २३ दिन सेवा गरी व्यक्तिगत कारणले स्वैच्छिक अवकाश लिनुभएका प्रहरी वरिष्ठ हवल्दार गोमा गुरुङलाई समेत सोही कार्यक्रममा बिदाइ गरिएको छ ।

कार्यक्रममा दुवै पूर्व प्रहरी कर्मचारीप्रति दीर्घ सेवा र योगदानको प्रशंसा गर्दै आगामी जीवन सफल, स्वस्थ र सम्मानपूर्ण रहोस् भन्ने शुभकामना व्यक्त गरिएको थियो ।

Facebook Comments Box