मेक्सिकोको लगातार दोस्रो जित, क्यानडाको ऐतिहासिक फराकिलो विजय

काठमाडौं । फिफा विश्वकप–२०२६ अन्तर्गत समूह चरणका खेलहरूमा मेक्सिकोले लगातार दोस्रो जित दर्ता गर्दै समूह ‘ए’ को शीर्ष स्थानमा आफ्नो स्थिति मजबुत बनाएको छ ।

दक्षिण कोरियासँग भएको खेलमा मेक्सिको १–० को कठिन जित निकाल्न सफल भयो । यसअघि पहिलो खेलमा दक्षिण अफ्रिकामाथि २–० को जित हात पारेको मेक्सिकोले दुई खेलबाट ६ अंक जोड्दै नकआउट चरणतर्फ बलियो दाबेदारी प्रस्तुत गरेको छ ।

यसै समूहको अर्को खेलमा चेकिया र दक्षिण अफ्रिका १–१ को बराबरीमा रोकिए । बराबरीपछि दुवै टोलीले अंक बाँडेका छन्, जसले समूहको प्रतिस्पर्धा अझ रोचक बनाएको छ ।

त्यस्तै, समूह ‘बी’ अन्तर्गत क्यानडाले कतारमाथि ६–० को विशाल जित निकाल्दै विश्वकप इतिहासमै आफ्नो पहिलो विजय दर्ता गरेको छ । क्यानडाको यो फराकिलो जितले समूह चरणको अंक तालिकालाई थप प्रतिस्पर्धात्मक बनाएको छ ।

लगातारका नतिजासँगै विभिन्न समूहमा टोलीहरूबीचको प्रतिस्पर्धा तीव्र बनेको छ भने नकआउट चरणको दौड झनै रोमाञ्चक बन्दै गएको छ ।

Facebook Comments Box