डिआईजी सानुराम भट्टराईद्वारा विशेष सुरक्षा गण कञ्चनपुरको स्थलगत निरीक्षण

कञ्चनपुर। नेपाल प्रहरीका डिआईजी सानुराम भट्टराईले नेपाल प्रहरी विशेष सुरक्षा गण, कञ्चनपुरको स्थलगत निरीक्षण तथा अवलोकन गर्नुभएको छ।

निरीक्षणका क्रममा डिआईजी भट्टराईले गण अन्तर्गतका विभिन्न शाखाहरूको अवलोकन गर्नुका साथै भीड नियन्त्रण अभ्यासको प्रत्यक्ष निरीक्षण गर्नुभयो। उहाँले गणको समग्र कार्यसम्पादन, सुरक्षा व्यवस्थापन, तालिम तथा तयारी अवस्थाबारे जानकारी लिँदै आवश्यक स्रोत–साधन, व्यवस्थापन तथा संगठनात्मक गतिविधिहरूको समेत समीक्षा गर्नुभयो।

सो अवसरमा उहाँले उपस्थित प्रहरी कर्मचारीहरूलाई सम्बोधन गर्दै व्यावसायिकता, अनुशासन, उच्च मनोबल तथा जिम्मेवारीपूर्ण कार्यसम्पादनमार्फत संगठनको गरिमा अभिवृद्धि गर्न निर्देशन दिनुभयो।

त्यस्तै, शान्ति सुरक्षा कायम राख्न, विपद् तथा विशेष परिस्थितिमा प्रभावकारी रूपमा परिचालन हुन तथा नागरिकमैत्री सेवाप्रवाहलाई थप सुदृढ बनाउन सदैव तयारी अवस्थामा रही आफ्नो जिम्मेवारी कुशलतापूर्वक निर्वाह गर्न उहाँले आवश्यक निर्देशन दिनुभयो।

Facebook Comments Box