बालविवाहमुक्त योजना कागजमै सीमित

मकवानपुर।मकवानपुर भीमपदी गाउँपालिका-९ नामटारकी १९ वर्षीया मीना घिसिङको काखमा पाँच वर्षको छोरी छिन् । १४ वर्षमात्रै लागेकी मीनाको कैलाश गाउँपालिका भार्ताका १६ वर्षका खसीलाल प्रजासँग विवाह भयो । सामान्य चिनजानकै भरमा उनीहरू वैवाहिक बन्धनमा बाँधिए।

मकवानपुरगढी गाउँपालिका-५ की १८ वर्षकी झमककमारी घिमिरेले हालैमात्रै दुई पटक गर्भपतन गराइसकिन् । ‘पढाइ छाडेर बिहे त गरियो, सन्तानचाहिँ चाँडै नहोस् भने गर्भपतन गरेको हुँ,’ उनले भनिन् । सानै उमेर विवाह र आमा बन्नु उनीहरू आफ्नो बाध्यता भएको बताउँछन् । ‘सानैमा विवाह गरेको’ भन्दै परिवारले बालविवाह मुद्दा चलाएर उनीहरूलाई छुटाउने कोसिस गरे पनि अन्तत मुद्दा मिलेमतोमै टुङ्गिने गरेको छ। बागमती प्रदेश सरकारले २०७८ अन्त्यसम्म प्रदेशलाई बालविवाहमुक्त प्रदेश बनाउने घोषणा गरेको थियो। तर, घोषणा कागजमै सीमित बन्न पुगेको छ ।यो समाचार राजधानी दैनिकबाट साभार गरिएको हो ।

Facebook Comments Box