नवरात्रको तेस्रो दिन: माता चन्द्रघण्टाको पूजा गरिँदै,यस्तो छ पुजाविधि

नवरात्रको तेस्रो दिन माता चन्द्रघण्टाको पूजा विशेष महत्वका साथ गरिन्छ । माता चन्द्रघण्टा शक्तिको तेस्रो स्वरूप हुन् र साहस, शान्ति र वीरताको प्रतीक मानिन्छन्।

माता चन्द्रघण्टाको स्वरूप

माता चन्द्रघण्टा सिहाँसनीमा विराजमान, दश हातमा विभिन्न अस्त्र–शस्त्र धारण गरेको, र भालामा अर्धचन्द्र जडित मुकुट लगाएको स्वरूपमा पूजिन्छिन्। उनी सिंहको सवारीमा सवार हुन्छिन् र भक्तलाई निर्भय बनाउने शक्ति दिन्छिन्।

पूजा विधि

शुद्धि र संकल्प – स्नान गरेर स्वच्छ वस्त्र धारण गरी पूजा स्थल शुद्ध पारिन्छ। संकल्प गरेर पूजा सुरु गर्नुपर्छ।
कलश स्थापन – कलशमा जल, सुपारी, सिक्का, र आम्रपल्लव राखी कलश स्थापना गरिन्छ।
मन्त्र उच्चारण –
- “ॐ देवी चन्द्रघण्टायै नमः” मन्त्र जप गर्दै देवीलाई आवाहन।
पुष्प अर्पण – रातो वा पहेंलो फूल देवीलाई अर्पण गरिन्छ।
धूप–दीप प्रज्वलन – धूप, दीप र नैवेद्य चढाइन्छ।
आरती – घण्टी बजाउँदै आरती गरिन्छ, यस दिन घण्टी बजाउनु विशेष शुभ मानिन्छ।
फलाहार व्रत – धेरै भक्तजन यो दिन फलाहार व्रत बस्छन्।

महत्व

माता चन्द्रघण्टाको पूजा गर्दा जीवनमा भय, रोग र अवरोधहरू हट्छन्। मानसिक शान्ति, साहस र ऊर्जा प्राप्त हुने विश्वास गरिन्छ। यो दिन विशेष गरी साहस, धैर्य र आत्मबलको विकासका लागि पूजा गरिन्छ।

Facebook Comments Box