आकस्मिक मन्त्रिपरिषद् बैठक आज: तेल संकट, कालोबजारी र महँगीबारे कडा निर्णय हुने

काठमाडौं । प्रधानमन्त्री बालेन्द्र शाहले मन्त्रिपरिषद्को आकस्मिक बैठक बोलाएका छन् । प्रधानमन्त्रीको सचिवालयका अनुसार आज दिउँसो १ बजे बैठक बस्ने तय गरिएको छ ।

सचिवालयले जनाएअनुसार पछिल्लो समय देखिएको पेट्रोलियम पदार्थको सम्भावित अभाव, बजारमा बढ्दो कालोबजारी तथा चर्किँदै गएको महँगीलाई मध्यनजर गर्दै आकस्मिक बैठक आह्वान गरिएको हो ।

बैठकमा इन्धन आपूर्ति व्यवस्थापन, कृत्रिम अभाव सिर्जना गर्नेहरूविरुद्ध कडा कारबाही, र उपभोक्तालाई राहत दिने उपायबारे विस्तृत छलफल हुने बताइएको छ । साथै, बजार अनुगमनलाई प्रभावकारी बनाउने तथा मूल्यवृद्धि नियन्त्रणका लागि ठोस निर्णय गरिने सम्भावना रहेको छ ।

सरकारले पछिल्लो समय देखिएको आर्थिक दबाब र उपभोक्ता स्तरमा परेको असरलाई ध्यानमा राख्दै आवश्यक नीतिगत हस्तक्षेप गर्न लागिएको संकेत गरेको छ ।

Facebook Comments Box