२००७ सालदेखिकै उच्चपदस्थको सम्पत्ति छानबिन हुनुपर्छ : झलनाथ खनाल

काठमाडौं । ले २००७ सालदेखि हालसम्म उच्चपदस्थ व्यक्तिहरूले आर्जन गरेको सम्पत्तिको व्यापक छानबिन हुनुपर्ने माग गरेका छन् ।

शनिबार सञ्चारकर्मीहरूसँग कुराकानी गर्दै उनले २०४६ सालपछिको मात्र नभई प्रजातन्त्र स्थापनापछिका सबै कालखण्डमा भएका सम्भावित अनियमित सम्पत्तिमाथि अनुसन्धान हुनुपर्ने धारणा राखे ।

खनालले कुनै पनि समयावधिमा गलत तरिकाले आर्जन गरिएको सम्पत्ति राज्यको छानबिन दायरामा आउनुपर्नेमा जोड दिँदै प्रश्न गरे,
“२०४६ साल यताको मात्र होइन, २००७ सालदेखिकै सम्पत्ति किन छानबिन नगर्ने ? सरकारले उनीहरूलाई किन जोगाउन खोज्दैछ ?”

उनले आफ्नो पार्टीका सबै नेताहरू सम्पत्ति छानबिनका लागि तयार रहेको स्पष्ट पार्दै, पारदर्शी र कानुनी प्रक्रियामार्फत अनुसन्धान अघि बढाउनुपर्ने बताए ।

खनालले यस्ता छानबिनलाई राजनीतिक प्रतिशोधको माध्यम बनाउन नहुने चेतावनी पनि दिएका छन् ।

Facebook Comments Box