राजमार्ग सौन्दर्यकरण र सार्वजनिक शौचालय निर्माण गर्न सांसद आशिका तामाङको आग्रह

काठमाडौं । सांसद आशिका तामाङले देशका प्रमुख राजमार्गहरूमा सार्वजनिक शौचालय निर्माण र सडक किनारमा फूल तथा बोटबिरुवा रोपेर सौन्दर्यकरण गर्न भौतिक पूर्वाधार तथा यातायात मन्त्रालयलाई आग्रह गरेकी छन् ।

उनले विशेषगरी त्रिभुवन राजमार्ग र पृथ्वी राजमार्गका विभिन्न स्थानमा सरसफाइ तथा आधारभूत सुविधाको अभावका कारण यात्रु र स्थानीय बासिन्दा दुवैलाई समस्या भइरहेको उल्लेख गर्दै तत्काल आवश्यक पूर्वाधार विकासलाई प्राथमिकता दिनुपर्ने बताएकी हुन् ।

तामाङले राजमार्ग क्षेत्रमा स्वच्छता र सुविधायुक्त संरचना निर्माण भए यात्रुहरूको सहजता बढ्नुका साथै सडकको समग्र सौन्दर्य र पर्यटकीय आकर्षणसमेत वृद्धि हुने धारणा व्यक्त गरेकी छन् ।

Facebook Comments Box