अध्यादेशविरुद्ध विपक्षी दलहरूको रणनीति तय गर्न आज पुनः बैठक बस्दै

काठमाडौं । सरकारले ल्याएका अध्यादेशका विषयमा साझा धारणा बनाउन विपक्षी दलहरूको बैठक आज बस्दै छ ।

बैठक बिहान साढे ११ बजे नेकपा एमाले संसदीय दलको कार्यालयमा बस्ने तय भएको छ । यसअघि बुधबार कांग्रेस संसदीय दलको कार्यालयमा भीष्मराज आङ्देम्बेको अध्यक्षतामा विपक्षी दलहरूको बैठक बसेको थियो ।

उक्त बैठकमा नेकपा एमाले, नेपाली कम्युनिस्ट पार्टी र राष्ट्रिय प्रजातन्त्र पार्टीका संसदीय दलका नेताहरू सहभागी थिए । बैठकमा संसद् अधिवेशन स्थगित गरी अध्यादेश ल्याउने सरकारको कदमप्रति साझा रणनीति बनाउने विषयमा छलफल भएको थियो ।

आजको बैठकमा पनि सरकारका अध्यादेशविरुद्ध आगामी राजनीतिक कदमबारे थप समन्वय र निर्णय हुने अपेक्षा गरिएको छ ।

Facebook Comments Box