मन्त्रिपरिषद् बैठकका मुख्य निर्णय सार्वजनिक, कार्यविभाजन नियमावलीदेखि भूमि नियम संशोधनसम्म स्वीकृत

काठमाडौं । सरकारले आज बसेको मन्त्रिपरिषद् बैठकका मुख्य निर्णयहरू सार्वजनिक गरेको छ।

सरकारका सूचना, सञ्चार तथा प्रविधिमन्त्री विक्रम तिमिल्सिनाले पत्रकार सम्मेलनमार्फत बैठकले गरेका प्रमुख निर्णयहरू सार्वजनिक गरेका हुन्।

मन्त्री तिमिल्सिनाका अनुसार बैठकले विद्युतीय सुशासन आयोग गठन तथा सञ्चालन आदेश, २०७९ को संशोधन स्वीकृत गर्ने निर्णय गरेको छ। त्यस्तै, भूमिसम्बन्धी २१ औँ संशोधन नियमहरू, २०८३ पनि स्वीकृत गरिएको छ।

यसैगरी, सरकारी लगानी व्यवस्थापन समितिको सदस्यमा प्रतिनिधिसभा सदस्य सुशील खड्का (बाग्लुङ) र योगेश गौचन थकाली (मुस्ताङ) लाई मनोनयन गर्ने निर्णय गरिएको छ।

बैठकले नेपाल सरकार कार्य विभाजन नियमावली, २०८३ स्वीकृत गर्ने निर्णय समेत गरेको मन्त्री तिमिल्सिनाले जानकारी दिएका छन्।

मन्त्रिपरिषद् बैठकका मुख्य निर्णयहरू :

नेपाल सरकार कार्य विभाजन नियमावली, २०८३ स्वीकृत गर्ने।
विद्युतीय सुशासन आयोग गठन तथा सञ्चालन आदेश, २०७९ को संशोधन स्वीकृत गर्ने।
सरकारी लगानी व्यवस्थापन समितिको सदस्यमा प्रतिनिधिसभा सदस्य सुशील खड्का (बाग्लुङ) र योगेश गौचन थकाली (मुस्ताङ) लाई मनोनयन गर्ने।
भूमिसम्बन्धी २१ औँ संशोधन नियमहरू, २०८३ स्वीकृत गर्ने।

Facebook Comments Box