सर्लाहीमा विद्यालय शुल्क विवादपछि प्रहरी कार्यालयमै अभिभावकमाथि कुटपिट, गम्भीर घाइते

सर्लाही । विद्यालय शुल्कसम्बन्धी सामान्य विवादले सर्लाहीमा गम्भीर रूप लिएको छ। शुल्क विवादका विषयमा सोधपुछका लागि प्रहरी कार्यालय पुगेका एक अभिभावक प्रहरीको कुटपिटबाट गम्भीर घाइते भएपछि घटना सार्वजनिक चासोको विषय बनेको छ।

धनकौल गाउँपालिका–५ हरकठवाका फेकु दासले आफ्ना दुई छोराको विद्यालय शुल्क पूर्ण रूपमा तिरिसकेको दाबी गर्दै आएका छन्। तर विद्यालय प्रशासनले भने १३ हजार रुपैयाँ बाँकी रहेको भन्दै जिल्ला प्रशासन कार्यालयमा निवेदन दिएको थियो। सोही निवेदनका आधारमा प्रशासनले इलाका प्रहरी कार्यालय हरकठवालाई आवश्यक सोधपुछ गर्न पत्राचार गरेको थियो।

त्यसपछि बुधबार दिउँसो श्रीमतीसहित प्रहरी कार्यालय पुगेका दासमाथि घटनाक्रम असामान्य रूपमा बढेको बताइएको छ। दासका अनुसार उनलाई एक कागजमा हस्ताक्षर गर्न दबाब दिइएको थियो। आफूले शुल्क तिरिसकेको भन्दै हस्ताक्षर गर्न अस्वीकार गरेपछि अवस्था तनावपूर्ण बनेको उनको भनाइ छ।

दासले प्रहरी जवान रामजीवन पासवानले कार्यालयभित्रैको एक कोठामा लगेर बाँसको भाटा र बुटले निर्घात कुटपिट गरेको आरोप लगाएका छन्। कुटपिटबाट उनको बायाँ हात, तिघ्रा र पिठ्युँमा गम्भीर चोट लागेको बताइएको छ। प्रारम्भिक उपचार बरहथवास्थित हनुमन्त अस्पतालमा गरिएको भए पनि अवस्था जटिल भएपछि उनलाई थप उपचारका लागि काठमाडौंस्थित ट्रमा सेन्टर रेफर गरिएको छ।

घटनापछि स्थानीय स्तरमा प्रहरीको भूमिकामाथि प्रश्न उठ्न थालेको छ। सामान्य शुल्क विवादजस्तो विषय प्रहरी कार्यालयसम्म पुग्नु र त्यहाँ पुगेका अभिभावक गम्भीर घाइते हुनु गम्भीर विषयका रूपमा हेरिएको छ।

इलाका प्रहरी कार्यालय हरकठवाका प्रमुख प्रहरी नायब निरीक्षक (सई) पदम खड्काले कार्यालयभित्र अभिभावक र प्रहरी जवानबीच विवाद भएको स्वीकार गरेका छन्। उनका अनुसार विवादका क्रममा हात हालाहालको अवस्था सिर्जना भएको थियो।

जिल्ला प्रहरी कार्यालय सर्लाहीका प्रहरी उपरीक्षक (एसपी) रबिन्द्रनाथ पौडेलले घटनाबारे प्रारम्भिक अनुसन्धान सुरु गरिएको जानकारी दिएका छन्। उनका अनुसार दासले मादक पदार्थ सेवन गरी प्रहरीमाथि हातपात गर्न खोजेपछि विवाद बढेको प्रारम्भिक विवरण प्राप्त भएको छ। घटनामा संलग्न भनिएका प्रहरी जवान रामजीवन पासवानलाई तत्काल इलाका प्रहरी कार्यालय बरहथवामा झिकाएर अनुसन्धान अघि बढाइएको उनले बताए।

घटनाको वास्तविकता अनुसन्धानपछि स्पष्ट हुने प्रहरीले जनाएको छ। यद्यपि विद्यालय शुल्कसम्बन्धी विवाद प्रहरी कार्यालयसम्म पुग्नु र सोही क्रममा अभिभावक गम्भीर घाइते हुनु गम्भीर प्रश्नका रूपमा उठेको छ।

यसैबीच, स्थानीयवासी तथा मानवअधिकारकर्मीहरूले घटनाको निष्पक्ष छानबिन गरी दोषीमाथि कडा कारबाही गर्न माग गरेका छन्।

जनरक्षा फोकस

थप सामाग्री

संकटमा कमाण्ड सम्हाल्ने नेतृत्वमाथि अन्याय किन ?

जेनजी आन्दोलनपछि नेपाल प्रहरीले पाएको दृढ नेतृत्व

दान बहादुर कार्की : संक्रमणकालमा प्रहरी संगठनलाई नेतृत्व प्रदान गर्ने सक्षम व्यक्ति

समाज

थप सामाग्री

• 

  डीआईजी सरुवा किन रोकियो ? गृह मन्त्रालयको मौनताबीच प्रहरी संगठनमा बढ्दै प्रश्न र असन्तुष्टि

• 

  पदोन्नति भएका ४४ प्रहरी अधिकृतलाई आईजीपी कार्कीद्वारा दर्ज्यानी चिन्ह सुशोभन, बढ्यो जिम्मेवारी

• 

  सरकारी निर्णयविरुद्ध पत्रकार महासङ्घ आक्रामक, दबाबमूलक आन्दोलनको घोषणा

• 

  काठमाडौँ उपत्यका ट्राफिक प्रहरी कार्यालयको नेतृत्वमा एसएसपी सुरेश काफ्ले, विवादपछि शान्तिराज कोइरालाको सरुवा बदर

• 

  एसएसपी रमेश थापाको काठमाडौं परिसर नेतृत्व अवधि सम्पन्न, प्रहरी प्रधान कार्यालयमा सरुवा

एआईजी हिमालय कुमार श्रेष्ठद्वारा नेपाल प्रहरी स्कुल शान्तिपुर, चितवनको निरीक्षण तथा अन्तरक्रिया सम्पन्न

११ घण्टा अगाडि

1.4kViews 435 Shares Share on Facebook Share on Twitter चितवन । नेपाल प्रहरी प्रधान कार्यालय प्रशासन विभाग प्रमुख एआईजी हिमालय…

भ्रष्टाचार मुद्दामा ‘फास्ट ट्र्याक’ सुनुवाइ र बिचौलिया सक्रियताको चर्चा, विशेष अदालतमा सेटिङको आरोप

१२ घण्टा अगाडि

काठमाडौं उपत्यका अपराध अनुसन्धान कार्यालयद्वारा सचिव कर्ण पक्राउ, केही घण्टापछि रिहा

१२ घण्टा अगाडि

आज जेठ २२ गते शुक्रबार,यस्तो छ तपाईको राशिफल

१३ घण्टा अगाडि