एमाले पुनर्गठन कार्यदलको बैठक आज बस्दै, एक महिनाभित्र प्रतिवेदन बुझाउने तयारी

काठमाडौं । नेकपा एमालेको पुनर्गठन कार्यदलको बैठक आज बस्ने भएको छ। कार्यदलको बैठक मंगलबार दिउँसो १ बजे पार्टी केन्द्रीय कार्यालय च्यासलमा बस्न लागेको हो।

जेठ १० गते बसेको सचिवालयको आठौं बैठकले पार्टीलाई वैचारिक, राजनीतिक र संगठनात्मक रूपमा एकताबद्ध, सुदृढ र रूपान्तरण गर्ने उद्देश्यसहित पुनर्गठन कार्ययोजना तयार गर्न कार्यदल गठन गरेको थियो।

उपाध्यक्ष रामबहादुर थापा ‘बादल’को नेतृत्वमा गठन गरिएको १५ सदस्यीय कार्यदललाई पार्टी पुनर्गठनसम्बन्धी विस्तृत प्रतिवेदन तयार गरी एक महिनाभित्र बुझाउने जिम्मेवारी दिइएको छ।

कार्यदलले संगठन सुदृढीकरण, आन्तरिक एकता, नीतिगत स्पष्टता र पार्टी संरचनामा आवश्यक सुधारका विषयमा सुझावसहित प्रतिवेदन तयार गर्ने अपेक्षा गरिएको छ।

Facebook Comments Box