कालीमाटी बजारमा आजका लागि तरकारी तथा फलफूलको अधिकतम थोक मूल्य सार्वजनिक

काठमाडौँ । कालीमाटी फलफूल तथा तरकारी बजार विकास समितिले आजका लागि कृषिउपजहरूको अधिकतम थोक मूल्य निर्धारण गरेको छ।

समितिले सार्वजनिक गरेको सूचीअनुसार गोलभेँडा ठूलो (नेपाली) प्रतिकिलो रु ६०, गोलभेँडा ठूलो (भारतीय) रु ७०, गोलभेँडा सानो (लोकल) रु २० र गोलभेँडा सानो (टनेल) रु ३७ कायम गरिएको छ। त्यस्तै आलु रातो (लाम्चो) रु ३८, आलु रातो (गोलो) रु ३२, आलु रातो (मुढे) रु ३५ र प्याज सुकेको (भारतीय) रु ४३ निर्धारण गरिएको छ।

तरकारी समूहअन्तर्गत गाजर (लोकल) रु १००, बन्दा (लोकल) रु ६०, काउली स्थानीय रु ७०, सेतो मूला (हाइब्रिड) रु २०, भन्टा लाम्चो रु ४० र भन्टा डल्लो रु ५० तोकिएको छ।

त्यसैगरी बोडी (तने) रु ३०, मकै बोडी रु ५०, मटरकोसा रु २००, घिउ सिमी (लोकल, हाइब्रिड) रु ५०–५०, घिउ सिमी (राजमा) रु १००, टाटे सिमी रु ७०, भटमास कोसा रु १२०, तीते करेला रु ४०, लौका रु ६०, परवर (लोकल र तराई) रु ५०–५०, चिचिण्डो रु ५०, घिरौँला र झिगुनी रु ६०–६०, फर्सी पाकेको र हरियो फर्सी रु ६०–६० तथा डल्लो फर्सी रु ४० कायम गरिएको छ। भिन्डी रु ३५, सखरखण्ड रु ७०, पिँडालु रु ९० र स्कुस रु ६० निर्धारण गरिएको छ।

सागसब्जीमध्ये रायोसाग रु ५०, पालुङ्गो, चमसुरको साग र हरियो प्याज रु ९०–९०, च्याउ (कन्य) रु २३०, च्याउ (डल्ले) र राजा च्याउ रु ३५०–३५० तथा सिताके च्याउ रु १,००० तोकिएको छ।

अन्य उत्पादनतर्फ कुरिलो रु ३५०, न्युरो रु ८०, ब्रोकाउली रु १००, चुकन्दर रु ६०, सजीवन रु १२०, सेलरी रु १३०, पार्सले रु २२०, पुदिना रु १२०, इमली रु २००, तामा रु १४०, तोफु रु १६० र गुन्द्रुक रु ३५० निर्धारण गरिएको छ।

फलफूलमा स्याउ (फुजी) रु ३००, केरा (नेपाली) दर्जन रु २०० र मालभोग रु २२०, कागती रु १७०, अनार रु ४२०, आँप (मालदह) रु ७० र दशहरी रु १००, तरबुजा रु ५०, जुनार रु २२०, भुइँकटहर रु २००, काँक्रो (लोकल) रु ७०, काँक्रो (हाइब्रिड) रु २०, काँक्रो (लोकलक्रस) रु ६० तथा रुखकटहर रु ५० तोकिएको छ।

त्यस्तै नासपाती (चाइनिज) रु १६०, मेवा (नेपाली) रु ९० र भारतीय मेवा रु १००, लिची (लोकल) रु २५० र भारतीय रु ३००, नरिवल (काँचो) रु ८० र हरियो नरिवल रु १७० निर्धारण गरिएको छ।

मसलाजन्य वस्तु तथा अन्यतर्फ अदुवा रु १३०, सुकेको खुर्सानी रु ४५०, हरियो खुर्सानी (लाम्चो र बुलेट) रु ५०–५०, माछे खुर्सानी रु ६०, अकबरे खुर्सानी रु ३००, भेडेखुर्सानी रु ८०, हरियो लसुन रु २००, हरियो धनियाँ रु १००, सुकेको लसुन (चाइनिज) रु २२० र नेपाली रु १८० कायम गरिएको छ।

माछाजन्य वस्तुमा सुकेको माछा रु १,०००, ताजा माछा (रहु) रु ३४०, (बचुवा) रु ३०० र (छडी) रु २५० निर्धारण गरिएको समितिले जनाएको छ।

Facebook Comments Box