इजरायलद्वारा दक्षिणी लेबनानमा भीषण हवाई आक्रमण, १६ जनाको मृत्यु

एजेन्सी। इजरायलले लेबनानको दक्षिणी क्षेत्रका विभिन्न शहरहरूमा हवाई आक्रमण गरेको छ। लेबनानको सरकारी समाचार एजेन्सीका अनुसार शुक्रबार गरिएको उक्त आक्रमणमा कम्तीमा १६ जनाको मृत्यु भएको छ।

स्थानीय सञ्चारमाध्यमका अनुसार विभिन्न सहरहरूलाई लक्षित गरी गरिएको यो बमबारी पछिल्लो समयको सबैभन्दा भीषण आक्रमणमध्ये एक मानिएको छ। आक्रमणपछि क्षेत्रमा ठूलो क्षति भएको र त्रासको वातावरण सिर्जना भएको जनाइएको छ।

इजरायली सेनाले भने यो कारबाही इरान समर्थित द्वारा युद्धविरामको उल्लंघनको जवाफस्वरूप गरिएको दाबी गरेको छ। इजरायलले हिजबुल्लाहलाई निरन्तर सुरक्षा चुनौतीका रूपमा चित्रण गर्दै आएको छ।

यसैबीच, इजरायल, अमेरिका र जर्मनीसहितका केही देशहरूले हिजबुल्लाहलाई आतंकवादी संगठनका रूपमा सूचीकृत गरेका छन्।

इजरायली प्रधानमन्त्री ले हिजबुल्लाहबाट उत्पन्न खतरा पूर्ण रूपमा अन्त्य नभएसम्म लेबनानमा सैन्य कारबाही जारी रहने चेतावनी दिएका छन्।

तर, अमेरिका र इरानबीच भएको पछिल्लो सम्झौतामा लेबनानसहित सबै मोर्चामा सैन्य गतिविधि रोक्ने सहमति उल्लेख गरिएको बताइए पनि पछिल्ला घटनाले उक्त समझदारीमाथि प्रश्न उठाएको विश्लेषण गरिएको छ।

Facebook Comments Box