मनाइयो २८ औँ राष्ट्रिय भूकम्प सुरक्षा दिवस

काठमाडौं– २८ औँ राष्ट्रिय भूकम्प सुरक्षा दिवस विभिन्न कार्यक्रमको आयोजना गरी मनाइएको छ ।

विसं १९९० माघ २ गतेको महाभूकम्पको सम्झनामा २०५५ सालदेखि यो दिवस मनाउन प्रारम्भ भएको हो । भूकम्पबारे चेतना फैलाउनु र तयारी बढाउन दिवस मनाउने गरिन्छ ।

दिवसका अवसरमा ललितपुर महानगरले पाटन दरवार स्क्वायरमा रहेको भूकम्प स्मारक परिसरमा स्मृति सभाको आयोजना गरेको थियो । स्मृतिसभामा ललितपुर महानगरका प्रमुख चिरिबाबु महर्जनले प्राकृतिक प्रकोपलाई कसैले रोक्न नसक्ने भए पनि क्षतिलाई न्यूनीकरण गर्न प्रविधिलाई आत्मसात गर्दै तयारी गर्नुपर्नेमा जोड दिए ।

नेपालमा १९९० पछि विसं २०७२ वैशाख १२ गतेको भूकम्पबाट जनधनको ठूलो क्षति भएको थियो ।

Facebook Comments Box