ओली पक्राउको विरोधमा एमाले सडकमा, आजैदेखि आन्दोलन घोषणा

काठमाडौँ । प्रमुख प्रतिपक्षी दल नेकपा एमालेले पार्टी अध्यक्ष तथा पूर्वप्रधानमन्त्री को पक्राउको विरोधमा देशव्यापी आन्दोलन सुरु गर्ने घोषणा गरेको छ। पार्टी सचिव ले सामाजिक सञ्जालमार्फत् आजैदेखि प्रदर्शन सुरु हुने जानकारी दिँदै नेता–कार्यकर्तालाई सडकमा उत्रिन आह्वान गरेका छन्।

बस्नेतले “प्रतिशोधको राजनीतिबाट देशलाई जोगाउन र लोकतान्त्रिक मूल्य–मान्यताको रक्षा गर्न” आन्दोलन अपरिहार्य भएको उल्लेख गर्दै प्रदर्शनमा सक्रिय सहभागिताका लागि आग्रह गरेका छन्। आन्दोलनका कार्यक्रमहरूबारे विस्तृत विवरण केही समयमै सार्वजनिक गरिने उनले जनाएका छन्।

यसअघि शनिबार बिहान प्रहरीले पूर्वप्रधानमन्त्री ओलीसँगै पूर्व गृहमन्त्री लाई पक्राउ गरेको थियो। ‘जेनजी आन्दोलन’ मा दमन गरेको आरोपमा गरिएको उक्त पक्राउले राजनीतिक वृत्तमा तरंग पैदा गरेको छ।

एमालेले उक्त कदमलाई राजनीतिक प्रतिशोधको संज्ञा दिँदै देशमा द्वन्द्वको अवस्था सिर्जना हुन सक्ने चेतावनी दिएको छ। बस्नेतले राज्य संयन्त्रको भूमिकामाथि प्रश्न उठाउँदै नेपाल प्रहरीप्रति पनि असन्तुष्टि व्यक्त गरेका छन्। उनका अनुसार सार्वजनिक सम्पत्ति र सुरक्षामा कमजोरी देखिएको अवस्थामा नेताहरूलाई पक्राउ गर्न ठूलो संख्यामा प्रहरी परिचालन हुनु चिन्ताजनक विषय हो।

ओलीको पक्राउसँगै मुलुकको राजनीतिक वातावरण थप तनावग्रस्त बन्ने संकेत देखिएको छ। एमालेको आन्दोलनले आगामी दिनमा राजनीतिक समीकरण र सडक आन्दोलन दुवैलाई थप तीव्र बनाउने आकलन गरिएको छ।

Facebook Comments Box