सूर्य थापाको कडा चेतावनी: “कठपुतली सरकारका बचकना काम र फासिस्ट हर्कत नजिकबाट नियालिरहेका छौं”

काठमाडौं — नेकपा एमालेका नेता सूर्य थापाले वर्तमान सरकारप्रति कडा आक्रोश व्यक्त गर्दै चेतावनी दिएका छन्। मंगलबार बिहान सामाजिक सञ्जालमार्फत उनले सरकारका गतिविधिलाई “कठपुतली सरकारका बचकना काम र फासिस्ट हर्कत” भनेका छन्।
सूर्य थापाले थपे, “सरकारका हरेक कदमलाई हामी नजिकबाट नियालिरहेका छौं। डोको सुरक्षित राख्नुहोला महाशय, जसमा यी सबै ढाडेलाई भिरबाट फालिने छ।”
यसअघि, गौरीबहादुर कार्की नेतृत्वको जेनजी जाँचबुझ आयोगले कारबाही सिफारिस गरेपछि शनिबार बिहान एमाले अध्यक्ष केपी शर्मा ओली र तत्कालीन गृहमन्त्री रमेश लेखक पक्राउ परेका थिए।
सूर्य थापाको यो अभिव्यक्तिले राजनीतिक माहोल अझै तनावपूर्ण बनेको छ, र वर्तमान सरकारको कदमप्रति विपक्षी दलको कडा प्रतिक्रिया स्पष्ट भएको छ।

Facebook Comments Box