फोन अडियो भाइरलपछि सप्तरीका एसपी गौतम केसीमाथि छानबिन सुरु

सप्तरी । जिल्ला प्रहरी कार्यालय सप्तरीका प्रमुख प्रहरी उपरीक्षक (एसपी) गौतम केसीमाथि औपचारिक छानबिन प्रक्रिया सुरु गरिएको छ। एक सञ्चारकर्मीसँग भएको भनिएको फोन संवाद सामाजिक सञ्जालमा भाइरल बनेपछि मधेश प्रदेश प्रहरी कार्यालयले अनुसन्धान अघि बढाएको हो।

मधेश प्रदेश प्रहरी कार्यालयका प्रमुख प्रहरी नायब महानिरीक्षक (डीआईजी) गोविन्द थपलियाका अनुसार वरिष्ठ प्रहरी उपरीक्षक (एसएसपी) कमल थापाको संयोजकत्वमा पाँच सदस्यीय छानबिन समिति गठन गरिएको छ। समितिलाई सार्वजनिक भएको अडियोको सत्यता, संवादको सन्दर्भ र त्यसबाट उत्पन्न विवादको विस्तृत अध्ययन गर्ने जिम्मेवारी दिइएको छ।

भाइरल अडियोमा एसपी केसी र तिलाठी कोइलाडी गाउँपालिका–४ का सञ्चारकर्मी प्रह्लाद सिंह ‘विक्की’बीचको संवाद रहेको बताइएको छ। उक्त अडियोमा एसपीले एक व्यक्तिलाई लक्षित गर्दै अपशब्द प्रयोग गर्नुका साथै धम्कीपूर्ण अभिव्यक्ति दिएको सुनिएको दाबी गरिएको छ, जसले प्रहरी आचरणमाथि प्रश्न उठाएको छ।

अडियो सार्वजनिक भएसँगै सामाजिक सञ्जालमा तीव्र प्रतिक्रिया देखिएको छ। सर्वसाधारणदेखि अधिकारकर्मीहरूसम्मले घटनाको निष्पक्ष छानबिन र दोषीमाथि कडा कारबाहीको माग गरेका छन्।

यसैबीच, राजविराज नगरपालिका–३ का मुस्तकिम आलमले पनि आफू अन्यायविरुद्ध बोल्दा एसपी केसीबाट फोनमार्फत धम्की आएको आरोप सार्वजनिक गरेका छन्। उनले आफूलाई नियोजित रूपमा फसाउने प्रयास भइरहेको दाबी गर्दै निष्पक्ष छानबिनको माग गरेका छन्।

घटनाबारे प्रतिक्रिया लिन पटक–पटक प्रयास गर्दा पनि एसपी केसीसँग सम्पर्क हुन सकेको छैन। यद्यपि, मधेश प्रदेश प्रहरी कार्यालयले छानबिन प्रक्रियालाई निष्पक्ष र पारदर्शी बनाइने तथा निष्कर्षका आधारमा आवश्यक कारबाही गरिने जनाएको छ।

यस घटनाले प्रहरी संगठनभित्रको आचरण, जवाफदेहिता र अनुशासनको विषय पुनः बहसको केन्द्रमा ल्याएको छ।

जनरक्षा फोकस

थप सामाग्री

जेनजी आन्दोलनपछि नेपाल प्रहरीले पाएको दृढ नेतृत्व

दान बहादुर कार्की : संक्रमणकालमा प्रहरी संगठनलाई नेतृत्व प्रदान गर्ने सक्षम व्यक्ति

सुशीला ‘आमा’को सिफारिस अस्वीकार गर्ने गणपतिको स्वार्थ के हो ? कुकुर भुक्यो भनेर हात्ति लम्कन नछाडोस् !

समाज

थप सामाग्री

• 

  गृहमन्त्री गुरुङमाथि छानबिनको माग: कांग्रेसको चेतावनी—‘ढाकछोप भए जनविश्वासमा गम्भीर आघात’

• 

  प्रहरी विधेयक पुनरावलोकनमा : प्रजिअ–प्रहरी अधिकार बाँडफाँटमा चर्को विवाद

• 

  “फेसबुक स्पष्टीकरणप्रति राप्रपा सांसद खुश्बु ओलीको आपत्ति: गृहमन्त्री सुधन गुरुङलाई राजीनामा दिन आग्रह”

• 

  आज अक्षय तृतीया : धार्मिक विश्वास, दान र शुभकार्यको विशेष दिन

• 

  सुशासनको नारा र हित–द्वन्द्वको गम्भीर प्रश्न

सुरक्षा अभियान र घरभाडा प्रणालीमा प्रहरी सहकार्यको आवश्यकता

८ घण्टा अगाडि

2.2kViews 303 Shares Share on Facebook Share on Twitter काठमाडौं उपत्यकामा हालै अघि सारिएको सुरक्षा अभियानले शान्ति–सुरक्षाको सुदृढीकरणमा नयाँ सम्भावना…

प्रशासनिक सुधारलाई विवाद बनाउने प्रवृत्ति : तथ्यभन्दा अफवाह बलियो बनाउने पत्रकारिता चुनौती

९ घण्टा अगाडि

डिभिजन वन प्रमुखको अभिव्यक्तिले रौतहटमा विवाद, छानबिनको माग

१० घण्टा अगाडि

गृहमन्त्री गुरुङको नाममा लघु बीमा कम्पनीमा सेयर रहेको खुलासा, सम्पत्ति विवरणमा नदेखिएको भन्दै प्रश्न

१० घण्टा अगाडि