रुपन्देहीमा ‘अपरेशन डेल्टा’ : लागूऔषध सेवन गरेर सवारी चलाउने १७ चालक पक्राउ

काठमाडौं । रुपन्देहीमा सार्वजनिक सवारी चालकले लागूऔषध सेवन गरेर सवारी चलाएको पाइएपछि प्रहरीले विशेष अभियान सञ्चालन गर्दै १७ जना चालकलाई नियन्त्रणमा लिएको छ ।

जिल्ला प्रहरी कार्यालय रुपन्देहीको नेतृत्वमा लागूऔषध नियन्त्रण ब्यूरो शाखा कार्यालय भैरहवा, जिल्ला ट्राफिक प्रहरी कार्यालय रुपन्देही तथा नेपाल लुम्बिनी प्रादेशिक प्रहरी अस्पताल नेपालगञ्जबाट खटिएको प्राविधिक चिकित्सकसहितको टोलीले आइतबार “अपरेशन डेल्टा” सञ्चालन गरेको हो ।

प्रहरीका अनुसार सिद्धार्थ राजमार्ग लगायत विभिन्न व्यस्त सडकखण्डमा आकस्मिक चेकपोइन्ट स्थापना गरी सार्वजनिक सवारी साधनका चालकहरूको युरिन परीक्षण गरिएको थियो । साँझ ४ बजेदेखि ६ बजेसम्म सञ्चालन गरिएको अभियानमा १०० जना चालकको परीक्षण गर्दा १७ जनामा लागूऔषध सेवन गरेको पुष्टि भएको प्रहरीले जनाएको छ ।

लागूऔषध सेवन गरेर सवारी चलाउँदा सम्भावित दुर्घटना र धनजनको क्षति न्यूनीकरण गर्ने उद्देश्यले अभियान सञ्चालन गरिएको प्रहरीले जनाएको छ । परीक्षणमा पोजेटिभ देखिएका चालकहरूलाई लागूऔषध नियन्त्रण ऐन, २०३३ अनुसार नियन्त्रणमा लिएर थप अनुसन्धान अघि बढाइएको छ ।

Facebook Comments Box

जनरक्षा फोकस

थप सामाग्री

समाज

थप सामाग्री

दूरदर्शी नेतृत्वका धनी आईजीपी दानबहादुर कार्कीद्वारा रुपन्देहीका प्रहरी इकाइको निरीक्षण, प्रहरी कर्मचारी उत्साहित

२ दिन अगाडि

1.3kViews 187 Shares Share on Facebook Share on Twitter रुपन्देही । नेपाल प्रहरीका संगठन प्रमुख प्रहरी महानिरीक्षक (आईजीपी) दानबहादुर कार्कीले…

एसएसपी कृष्ण कोइरालाद्वारा जिल्ला प्रहरी कार्यालय स्याङ्जाको निरीक्षण, प्रभावकारी अपराध अनुसन्धानमा जोड

२ दिन अगाडि

डिआईजी विनोद घिमिरेद्वारा पदोन्नत प्रहरी कर्मचारीलाई दर्ज्यानी चिन्ह सुशोभन, उत्कृष्ट कार्यसम्पादनको निर्देशन

२ दिन अगाडि

एआईजी ईश्वर कार्कीद्वारा बिदाइ तथा दर्ज्यानी चिन्ह सुशोभन कार्यक्रम सम्पन्न

२ दिन अगाडि

यो अनलाईन पत्रिका काठमाडौं, भक्तपुर, ललितपुरका क्रियाशिल पत्रकारहरुको सक्रियतामा सञ्चालनमा ल्याईएको हो । हामी  नेपाल सेरोफेरोमा केन्द्रित रहनेछौ । सुचना,जानकारी,मनोरञ्जन तथा विविध गतिविधि प्रस्तुत गर्ने हाम्रो लक्ष्य रहेको छ।

जनरक्षा संचालक समुह :
संचालक/ प्रधान सम्पादक :रामशरण काफ्ले
प्रबन्ध निर्देशक : अनिल कुमार लामा
सम्पादक : रमण काफ्ले
सह- सम्पादक : उषा काफ्ले

विज्ञापन, सूचना तथा अन्य सामाग्री प्रकाशन गर्नुपरेमा हामीलाई सम्पर्क गर्नुहोस् ।
 सूचना विभाग दर्ता नं : २१८९/०७७-७८

जोडिनुहोस

TOP