आईजीपी दानबहादुर कार्कीको शब्दमा ‘अब बन्छ मेरो देश’ सार्वजनिक, सामाजिक सन्देशसहितको गीतले ध्यान तान्यो

काठमाडौं । नेपाल प्रहरीका प्रहरी महानिरीक्षक (आईजीपी) दानबहादुर कार्कीको शब्द रहेको नयाँ गीत ‘अब बन्छ मेरो देश’ सार्वजनिक भएको छ ।

शुक्रबार सार्वजनिक गरिएको उक्त म्युजिक भिडियोमा सामाजिक रूपान्तरण, अन्याय–अत्याचारको अन्त्य तथा न्यायप्रतिको अपेक्षा र नागरिक विश्वासलाई केन्द्रमा राखिएको छ । गीतमार्फत आपसी सहिष्णुता, राष्ट्रिय एकता र समृद्धिको भाव प्रस्तुत गरिएको छ ।

गीतमा संगीत दीपक शर्माको रहेको छ भने उदयराज पौडेलले एरेन्ज गरेका हुन् । स्वर समिर खरेल, सदिच्छा कट्टेल, सबिन सुवेदी र बेनिसा पौडेलले दिएका छन् । भिडियोमा आर्यन सिग्देल, सबिन कार्की, कविता नेपाली, चाहना राना मगर र किरण थापालगायत कलाकारहरूको अभिनय रहेको छ ।

यसअघि पनि आईजीपी कार्कीको शब्दमा आधारित केही गीत सार्वजनिक भइसकेका छन् । तीमध्ये ‘आमा म त खरानीबाट उठेर आएँ’, ‘फूलको बासना सरी’ र ‘मेरो करिमा’ लगायतका गीतहरूले विभिन्न सामाजिक विषयवस्तु उठान गरेको बताइन्छ ।

आइजिपी दानबहादुर कार्की को शब्द रचनामा तयार भएका गीतहरूले प्रहरी संगठन र सामाजिक सन्देशलाई जोड्ने प्रयास गर्दै आएका छन् ।

Facebook Comments Box