“लोकतन्त्रका संस्थाको रक्षा गर्नु नै भविष्यको रक्षा हो”- केपी ओली

काठमाडौं ।पुर्व प्रधानमन्त्री तथा नेकपा एमालेका अध्यक्ष केपी शर्मा ओलीले गणतन्त्र दिवसको अवसरमा लोकतान्त्रिक गणतन्त्रको रक्षा गर्न सबैलाई आह्वान गरेका छन् । शुक्रबार गणतन्त्र दिवसका अवसरमा शुभकामना सन्देश जारी गर्दै प्रधानमन्त्री ओलीले लोकतन्त्र प्राप्तिका लागि नेपाली जनताले सात दशकभन्दा लामो संघर्ष गर्नुपरेको स्मरण गरेका हुन् ।

उनले जनताको बलिदान, त्याग र संघर्षबाट हुकुमी शासन अन्त्य भई कानुनको शासन स्थापित भएको उल्लेख गर्दै लोकतान्त्रिक गणतन्त्र केवल शासन प्रणाली परिवर्तन नभई नेपाली समाजको चेतनामा आएको गहिरो रूपान्तरण भएको बताए ।

“शताब्दीयौँसम्म ‘प्रजा’ भएर बाँचेको समाज, आफैंले बनाएको संविधानमार्फत सार्वभौम नागरिकमा रूपान्तरित भएको थियो,”  पुर्व प्रधानमन्त्री ओलीले सन्देशमा उल्लेख गरेका छन् ।

उनले गणतन्त्र स्थापनाका लागि हजारौं अग्रजले जीवन बलिदान दिएको, कैयौंले जेल, यातना र निर्वासन भोगेको स्मरण गर्दै सबै अमर शहीदप्रति श्रद्धाञ्जली अर्पण गरेका छन् ।

ओलीले छोटो अवधिमै नेपालमा सामाजिक तथा भौतिक विकासका क्षेत्रमा उल्लेखनीय प्रगति भएको दाबी गरे । गाउँगाउँसम्म स्थानीय सरकारको पहुँच, महिला, दलित, जनजाति, मधेशी तथा पिछडिएका समुदायको राज्यका विभिन्न तहमा बढ्दो प्रतिनिधित्व, खुला अभिव्यक्ति, नागरिक स्वतन्त्रता, डिजिटल सेवाको विस्तार तथा सडक र सञ्चारको पहुँचलाई उनले गणतन्त्रका महत्वपूर्ण उपलब्धिका रूपमा उल्लेख गरेका छन् ।

यद्यपि परिवर्तनको गति अपेक्षाअनुसार तीव्र हुन नसकेको स्वीकार गर्दै उनले लोकतान्त्रिक प्रणालीभित्रै असन्तुष्टिको वैधानिक सम्बोधन सम्भव हुने बताएका छन् । “व्यवस्थाको रक्षा गर्न सकिए मात्र जनताले अवस्था परिवर्तन गर्न पाउँछन्,” उनले भनेका छन् ।

पुर्व प्रधानमन्त्री ओलीले संविधान, संसद, न्यायपालिका र स्वतन्त्र प्रेसको संरक्षणलाई गणतन्त्रको मूल आधार भन्दै लोकतान्त्रिक संस्थामाथि अविश्वास फैलाउने र भावनात्मक उत्तेजना सिर्जना गर्ने प्रवृत्तिप्रति सचेत रहन आग्रह गरेका छन् ।

“लोकतान्त्रिक व्यवस्था र लोकप्रिय नारा बीचको भिन्नता समाजले जीवन भोगाइको नतिजाबाट बिस्तारै बुझ्ने गर्छ,” उनले उल्लेख गरेका छन् ।

गणतन्त्र दिवसको अवसरमा उनले लोकतन्त्र प्राप्तिका लागि भएका कठोर संघर्षलाई स्मरण गर्दै लोकतन्त्र कमजोर भए भविष्य कस्तो हुन सक्छ भन्ने विषयमा गम्भीर चिन्तन गर्न सबैलाई आग्रह गरेका छन् ।

पुर्व प्रधानमन्त्री ओलीले अन्त्यमा सम्पूर्ण नेपाली दिदीबहिनी तथा दाजुभाइमा गणतन्त्र दिवसको हार्दिक शुभकामना व्यक्त गरेका छन् ।

जनरक्षा फोकस

थप सामाग्री

आईजीपी दानबहादुर कार्कीको नेतृत्वमा प्रहरी संगठनमा नयाँ ऊर्जा: सुधार अभियानले लिएको तीव्र गति

संकटमा कमाण्ड सम्हाल्ने नेतृत्वमाथि अन्याय किन ?

जेनजी आन्दोलनपछि नेपाल प्रहरीले पाएको दृढ नेतृत्व

समाज

थप सामाग्री

• 

  “बालश्रममुक्त समाज निर्माणमा मोरङ प्रहरीको प्रतिबद्धता, विश्व बालश्रम विरुद्ध दिवस भव्य रूपमा सम्पन्न”

• 

  चिकित्सकको प्रेस्क्रिप्सन बिना औषधि बेच्ने दुई सञ्चालकसहित चार जना बनेपाबाट पक्राउ

• 

  अख्तियार र सम्पत्ति शुद्धीकरणले जोगाएको सिन्डिकेटलाई सम्पत्ति छानबिन आयोगले कारबाहीको दायरामा ल्याउला ?

• 

  ट्राफिक नियम उल्लंघनमा कुनै सहुलियत नदिन निर्देशन : एसएसपी सुरेश काफ्ले

• 

  नेपालका लागि सञ्जीवनी बुटी : दिव्य उपदेश

गंगा दाहालको आरोप : परिवारविरुद्ध सामाजिक सञ्जालमार्फत योजनाबद्ध ‘मिडिया ट्रायल’ चलाइयो

२१ घण्टा अगाडि

1.6kViews 197 Shares Share on Facebook Share on Twitter काठमाडौं । नेपाली कम्युनिस्ट पार्टी (नेकपा) का संयोजक पुष्पकमल दाहाल ‘प्रचण्ड’की…

थाइल्याण्डकी राजकुमारी बज्रकितियाभाको ४७ वर्षको उमेरमा निधन, शाही उत्तराधिकारमा अन्योल थपिने संकेत

२३ घण्टा अगाडि

कपिलवस्तु प्रहरी प्रमुख एसपी मनोहर भट्टद्वारा निर्देशन, उत्कृष्ट प्रहरी कर्मचारी सम्मानित

२४ घण्टा अगाडि

आज जेठ २९ गते शुक्रबार,यस्तो छ तपाईको राशिफल

२४ घण्टा अगाडि