थाइल्याण्डकी राजकुमारी बज्रकितियाभाको ४७ वर्षको उमेरमा निधन, शाही उत्तराधिकारमा अन्योल थपिने संकेत

बैंकक — थाइल्याण्डकी राजकुमारी बज्रकितियाभाको ४७ वर्षको उमेरमा निधन भएको छ। तीन वर्षभन्दा बढी समयदेखि कोमामा रहँदै आएकी राजकुमारीको बिहीबार राति निधन भएको थाई शाही दरबारले शुक्रबार आधिकारिक रूपमा पुष्टि गरेको हो।

सन् २०२२ डिसेम्बरमा व्यायाम गर्ने क्रममा अचानक ढलेपछि उनी गम्भीर स्वास्थ्य समस्यामा परेकी थिइन्। त्यसपछि चिकित्सकहरूले उनको मुटुमा ‘माइकोप्लाज्मा’ संक्रमण भएको र त्यसका कारण मुटुको धड्कन अनियन्त्रित बनेको बताएका थिए। लामो समयसम्म सघन उपचारमा राखिए पनि उनको स्वास्थ्यमा सुधार आउन सकेन र उनी कोमामा नै रहिन्।

राजकुमारी बज्रकितियाभा राजा वजिरालोङकोर्नकी सात सन्तानमध्ये जेठी सन्तान हुन्। उनले अमेरिकाको कर्नेल विश्वविद्यालयबाट कानुनमा उच्च शिक्षा हासिल गरेकी थिइन्।

राजनीतिक तथा कूटनीतिक भूमिकामा समेत सक्रिय उनले अस्ट्रियाका लागि थाइल्याण्डको राजदूत र संयुक्त राष्ट्रसंघको लागुऔषध तथा अपराध नियन्त्रण कार्यालयमा क्षेत्रीय प्रतिनिधिका रूपमा काम गरेकी थिइन्। उनी विशेषगरी कारागार सुधार तथा महिला कैदीहरूको अधिकार संरक्षणका विषयमा अग्रणी अभियन्ताका रूपमा चिनिन्थिन्।

थाई शाही उत्तराधिकारमा समेत उनलाई सम्भावित प्रभावशाली पात्रका रूपमा हेरिँदै आएको थियो। तर, ७३ वर्षीय राजा वजिरालोङकोर्नले हालसम्म औपचारिक रूपमा उत्तराधिकारी घोषणा नगरेको अवस्थामा राजकुमारीको निधनले शाही उत्तराधिकारको विषयलाई थप अनिश्चित बनाएको अन्तर्राष्ट्रिय सञ्चारमाध्यमहरूले जनाएका छन्।

जनरक्षा फोकस

थप सामाग्री

आईजीपी दानबहादुर कार्कीको नेतृत्वमा प्रहरी संगठनमा नयाँ ऊर्जा: सुधार अभियानले लिएको तीव्र गति

संकटमा कमाण्ड सम्हाल्ने नेतृत्वमाथि अन्याय किन ?

जेनजी आन्दोलनपछि नेपाल प्रहरीले पाएको दृढ नेतृत्व

समाज

थप सामाग्री

• 

  “बालश्रममुक्त समाज निर्माणमा मोरङ प्रहरीको प्रतिबद्धता, विश्व बालश्रम विरुद्ध दिवस भव्य रूपमा सम्पन्न”

• 

  चिकित्सकको प्रेस्क्रिप्सन बिना औषधि बेच्ने दुई सञ्चालकसहित चार जना बनेपाबाट पक्राउ

• 

  अख्तियार र सम्पत्ति शुद्धीकरणले जोगाएको सिन्डिकेटलाई सम्पत्ति छानबिन आयोगले कारबाहीको दायरामा ल्याउला ?

• 

  ट्राफिक नियम उल्लंघनमा कुनै सहुलियत नदिन निर्देशन : एसएसपी सुरेश काफ्ले

• 

  नेपालका लागि सञ्जीवनी बुटी : दिव्य उपदेश

गंगा दाहालको आरोप : परिवारविरुद्ध सामाजिक सञ्जालमार्फत योजनाबद्ध ‘मिडिया ट्रायल’ चलाइयो

१० घण्टा अगाडि

1.4kViews 197 Shares Share on Facebook Share on Twitter काठमाडौं । नेपाली कम्युनिस्ट पार्टी (नेकपा) का संयोजक पुष्पकमल दाहाल ‘प्रचण्ड’की…

थाइल्याण्डकी राजकुमारी बज्रकितियाभाको ४७ वर्षको उमेरमा निधन, शाही उत्तराधिकारमा अन्योल थपिने संकेत

१२ घण्टा अगाडि

कपिलवस्तु प्रहरी प्रमुख एसपी मनोहर भट्टद्वारा निर्देशन, उत्कृष्ट प्रहरी कर्मचारी सम्मानित

१३ घण्टा अगाडि

आज जेठ २९ गते शुक्रबार,यस्तो छ तपाईको राशिफल

१३ घण्टा अगाडि